Ոսկին կրիպտոարժույթներից նախընտրելի է

Ոսկին որպես փող կրիպտոարժույթներից շատ չափանիշներով նախընտրելի է: Նման կարծիքի են ԱՄՆ խոշորագույն Goldman Sachs ներդրումային բանկի վերլուծաբաններ Ջեֆրի Քերրին եւ Մայքլ Հայնդսը, հայտնում է Bloomberg-ը: Նրանց կարծիքով՝ թանկարժեք մետաղները ժամանակակից ներդրողի համար կարեւոր են մնում, չնայած տոկոսային եկամուտ չեն բերում:

Շուկաներում անորոշության աճին համարժեք ոսկու գինը բարձրանում է: Երկարաժամկետ հեռանկարում ոսկին ավելի կթանկանա զարգացող երկներում, մասնավորապես Չինաստանում պահանջարկի պահպանման պատճառով:

Վերլուծաբանները ոսկին բիթքոինի հետ են համեմատել մի քանի չափանիշներով՝ ներառյալ երկարակեցությունը, շարժունությունը, փաստացի արժեքը եւ կայունությունը: Նրանց կարծիքով՝ ոսկին 3 չափանիշով լավագույնն է եղել: Բիթքոինը նրանք ավելի ձեռնտու են համարում միայն շարժունության չափանիշով:

Տարեսկզբին բիթքոինը ավելի քան 6 անգամ արժեւորվել էր՝ հասնելով 6 հազար դոլար նիշին: Համեմատության համար նշենք, որ ոսկու արժեքը բարձրացել էր 12 տոկոսով:

Հոկտեմբերի սկզբին հաղորդվել էր, որ Goldman Sachs-ը մտադիր է բիթքոինների եւ այլ կրիպտոարժույթների վաճառք կատարել, ինչով կդառնար Ուոլ սթրիթի առաջին խոշոր բանկը, որը մտնում է թվային փողի շուկա:

JPMorgan Chase բանկի ղեկավար Ջեյմս Դայմոնի կարծիքով՝ բիթքոինը խարդախություն է: Նա խոստացել է դրանով գործարք կատարող աշխատակիցներին հեռացնել:

NEWS.am