Թրամփի քաղաքականությունը հավանության չարժանացողների թիվն ԱՄՆ-ում հասել է 55 տոկոսի

ԱՄՆ նախագահ Դոնալդ Թրամփի գործունեությունը հավանության արժանացնողների վարկանիշը նրա երդմնակալությունից հետո անցած 20 օրերի ընթացքում նվազել է 45 տոկոսից մինչև 40 տոկոս։ Այդ մասին են վկայում հանրային կարծիքի ուսումնասիրման ամերիկյան Gallup ինստիտուտի տվյալները, գրում է «ՌԻԱ Նովոստի»-ն։

Հավանության չարժանացնողների ցուցանիշը, հակառակը, աճել է մինչև 55 տոկոս։

Հարցման առաջին օրը՝ հունվարի 22-ին, Թրամփի աշխատանքը դրական և բացասական էին գնահատում հավասար թվով ամերիկացիներ (45%)։

Համեմատության համար՝ Բարաք Օբամայի աշխատանքը հավանության արժանացնողների և չարժանացնողների ցուցանիշը նախագահության ութ տարիների ընթացքում տատանվել է 40-60-ի միջև։ Բավարարվածների թիվն ընդամենը մի քանի անգամ է նվազել 40 տոկոսից՝ հասնելով մինչև նվազագույնը 38 տոկոսի, իսկ դժգոհների թիվը չի գերազանցել 55 տոկոսը։

tert.am

Այս թեմայով Թրամփը հինգշաբթի կանցկացնի փակ հանդիպում հետախուզության հետ Իրանը հիմարություն կաներ, եթե գործարք չկնքեր ԱՄՆ-ի հետ․ Թրամփ Թրամփը հայտարարել է, որ ԱՄՆ-ը նախատեսում է սկսել պայքարել թմրանյութերի մաքսանենգության դեմ ցամաքում Թրամփը հայտարարել է, որ ԱՄՆ-ի հետ գործարքից հետո Իրանը պետք է հրաժարվի միջուկային և հրթիռային ծրագրերից Թրամփը կոչ է անում պահպանել կայունությունը Իսրայելի կողմից օկուպացված Արևմտյան ափում