Ի՞նչպես կարող են վնասել ատամներին առանց շաքարի ըմպելիքները
Ամերիկյան ատամնաբուժական ասոցիացիայի նոր ուսումնասիրությունը ցույց է տվել, որ առանց շաքարի ըմպելիքների թթուները կարող են քայքայել ատամի էմալը:
JADA Foundational Science ամսագրում հրապարակված հետազոտությունն ընդլայնում է մեր պատկերացումները թթվային ըմպելիքների օգտագործումը սահմանափակելու կարեւորության մասին:
Թթվային մթերքները եւ ըմպելիքները կարող են քայքայել էմալը, որը պաշտպանում է ատամները, այդ գործընթացը կոչվում է ատամների էրոզիա: Ատամների էրոզիան անշրջելի է եւ կարող է ճանապարհ բացել կարիես կամ վարակ առաջացնող բակտերիաների համար: Այն կարող է նաեւ հանգեցնել ատամների գունաթափման, քանի որ սպիտակ էմալը մաշվում է՝ բացելով դենտին կոչվող դեղին շերտը:
Հետազոտության շրջանակներում վերջերս հեռացված մարդու ատամները թրջել են 7 տարբեր առանց շաքարի ըմպելիքների մեջ (եւ համեմատության համար մեկ քաղցր գազավորված ըմպելիքի մեջ)՝ պարզելու, թե դրանցից որոնք են էրոզիա առաջացնում։ Ատամները այդպես մնացել են քսանչորս ժամ, ինչը, ըստ հետազոտողների, համապատասխանում է այդ ըմպելիքների տարեկան ազդեցությանը։
Շաքարով գազավորված ըմպելիքը եւ առանց շաքարի գազավորված ըմպելիքը համեմատելիս պարզվել է, որ երկու ըմպելիքների թթուներն էլ առաջացնում են ատամի էմալի էրոզիա։ Քաղցրացուցիչի տեսակն ավելի քիչ կարեւոր գործոն է եղել, քանի որ ըմպելիքի թթուն է քայքայել էմալը:
Հետազոտողները նաեւ էրոզիա են նկատել անուշաբույր գազավորված ըմպելիքների մեջ, թեեւ այն ավելի քիչ է եղել, քան շաքարով եւ առանց շաքարի գազավորված ըմպելիքներում: Հետազոտության ընթացքում միակ ըմպելիքները, որոնք չեն քայքայել էմալը, եղել են չգազավորված եւ առանց բուրմունքի շշալցված ջրերը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները