Ո՞վ է տարածել Թրամփի եւ Պուտինի հեռախոսազրույցի մանրամասները

Սպիտակ տունը հետաքննություն է սկսել պարզելու համար ԶԼՄ–ներում՝ ԱՄՆ նախագահ Դոնալդ Թրամփի և Վլադիմիր Պուտինի հեռախոսազրույցի մանրամասների արտահոսքի պատճառները։
Ինչպես հաղորդում է The Washington Post–ը, Սպիտակ տան մամլո քարտուղար Շոն Սպայսերը իր անհանգստությունն է հայտնել այն փաստի առթիվ, որ զրույցի այն մասը, որտեղ ԱՄՆ նախագահը քննադատում է ռազմավարական հարձակվողական սպառազինության կրճատման պայմանագիրը , հասանելի է դարձել ԶԼՄ–ներին։
«Նախագահը ցանկանում էր բանակցություններ վարել, իսկ քննարկվող տեղեկատվությունը չպետք է հասանելի դառնար։ Չէ որ մենք լուրջ գործերով ենք զբաղվում ամբողջ երկրի անունից», – նշել է Սպայսերը։

Ռուսաստանի նախագահի հետ զրույցը առաջին դեպքը չէ, երբ Թրամփի հեռախոսազրույցի բովանդակությունը հասանելի է դառնում ԶԼՄ–ներին։ Այսպես, օրինակ, հունվարի վերջին The Washington Post–ը լուրջ տարաձայնությունների մասին էր հաղորդել, որոնք Սպիտակ տան ղեկավարը ունեցել էր Ավստրալիայի վարչապետ Մալքոլմ Թերնբուլի և Մեքսիկայի նախագահ Էնրիկե Պենյա Նյետոյի հետ հեռախոսազրույցների ժամանակ։ Դրանից հետո Թրամփը Fox News հեռուստաալիքի եթերում մեղադրեց Սպիտակ տանը մնացած «Օբամայի մարդկանց», որ հենց նրանք են տեղեկությունները հաղորդում մամուլին։

Հինգշաբթի երեկոյան Reuters գործակալությունը, հղում անելով Թրամփի ադմինիստրացիայի երկու աղբյուրներին, հաղորդեց, որ Թրամփի հետ զրույցի ժամանակ Պուտինը քննարկել է ՌՀԶ–3 պայմանագրի երկարաձգման հարցը։ Գործակալության զրուցակցի խոսքերով՝ Թրամփը սկզբում հետաքրքրվել է իր խորհրդականներից, թե ինչ պայմանագրի մասին է խոսքը, ապա անվանել է այն Օբամայի անհաջող գործարքներից մեկը, որը չի բավարարում Ամերիկային։ Reuters-ի հրապարակումից անմիջապես հետո Սպայսերը հրաժարվել է մեկնաբանել այդ տեղեկատվությունը։

Top-News.am

Այս թեմայով Թրամփը հայտարարել է Զելենսկիի հետ հանդիպումից հետո Պուտինին զանգահարելու մտադրության մասին Թրամփն անարդար է համարում պահանջը, որ Իրանը բալիստիկ հրթիռներ չունենա Թրամփը փակ ճեպազրույց կանցկացնի հետախուզության հետ Թրամփը Մակրոնի հետ ընթրիքի ժամանակ ստորագրել է ԱՄՆ-ի և Իրանի միջև հուշագիրը Թրամփը հայտարարել է, որ ԱՄՆ-ն Իրանին 300 մլն դոլար չի վճարի