Ինչպե՞ս սենդվիչները պակաս վնասակար դարձնել կազմվածքի համար
Կազմվածքի պահպանման համար հարկավոր չէ ամբողջությամբ հրաժարվել սենդվիչներից, սակայն դրանք ավելի քիչ վնասակար դարձնելը միանգամայն հնարավոր է։ Նման կարծիք է հայտնել սննդաբան-սրտաբան Ասիյաթ Խաչիրովան (Ռուսաստան)։
Ինչպես հաղորդում է «Մոսկվա 24» հեռուստաալիքի կայքը, լիարժեք սնունդը, ըստ մասնագետի, պետք է ներառի սննդանյութերի բոլոր խմբերը՝ չլուծվող բջջանյութեր, սպիտակուցներ, ճարպեր եւ ածխաջրեր։ Դիետոլոգի խոսքով՝ միանգամայն հնարավոր է պատրաստել սենդվիչ, որը կպարունակի բոլոր անհրաժեշտ մակրոէլեմենտները, որից հետո ավելորդ քաշ չեք հավաքի։
Ածխաջրերը, ինչպես նշեց մասնագետը, կարելի է ստանալ հացից, մինչդեռ ցանկալի է ամբողջական հացահատիկի ալյուրից պատրաստված մթերքներ ընտրել։ Եփած միսը, ձուկը, պանիրը կամ խավիարը կարող են սպիտակուցի աղբյուր լինել սենդվիչի մեջ: Խաչիրովան խորհուրդ չի տալիս երշիկ ուտել, քանի որ այն, ինչպես եւ երշիկեղենը, խորը վերամշակված արտադրանք է։
«Ըստ առողջ սնվելու ստանդարտների՝ այս մթերքները պետք է կազմեն ձեր սննդակարգի ոչ ավել, քան մեկ տոկոսը: Հաճախ երշիկեղենով սենդվիչներ օգտագործելով՝ դուք ձեզ ավելորդ կիլոգրամներ եւ նյութափոխանակության խանգարումների մեծ ռիսկ եք նվիրում»,- ասել է մասնագետը։
Ավանդաբար կարագը ճարպի աղբյուր է համարվում սենդվիչի մեջ, սակայն այն կարելի է փոխարինել ավելի քիչ ճարպային այլընտրանքով՝ կաթնաշոռի եւ ավոկադոյի կտորների տեսքով: Սննդաբանը խորհուրդ է տալիս նաեւ հացը թրջել ձիթապտղի յուղով։
Սենդվիչն ավելի օգտակար դարձնելու եւ մանրաթելով հագեցնելու համար Խաչիրովան խորհուրդ է տալիս դրան բանջարեղեն՝ հազարի տերեւներ, վարունգի կամ լոլիկի կտորներ, ցուկկինի, սմբուկ կամ բուլղարական պղպեղ ավելացնել։ Սննդաբանի խոսքով` իր բաղադրատոմսով պատրաստված սենդվիչը չափավոր օգտագործման դեպքում չի փչացնի կազմվածքը եւ էներգիա կհաղորդի:
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Զորականում ուսանողին ծեծի ենթարկած դեռահասներն ազատության մեջ են
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Հայտնի է երկրի ամենախիտ բնակեցված քաղաքը
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
54-ամյա Քրիստինա Օրբակայտեն լողազգեստով ցուցադրել է կազմվածքը
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին