Թրամփը չի կարող խոչընդոտել իրանական նավթի արդյունահանման ծրագրերին
Իրանը շարունակում է առաջ մղել իր ծրագրերը՝ նավթի արդյունահանումը օրական մոտ 3․8 մլն դոլարի սահմանում պահելու վերաբերյալ, ինչը համաձայնեցվել էր անցած տարվա նոյեմբերին ՕՊԵԿ խորհրդակցության ժամանակ՝ չնայած Թրամփի վարչակազմի կողմից պատժամիջոցներին ու բալիստիկ հրթիռներ ստեղծելու՝ Թեհրանի ծրագրի վերաբերյալ սրվող հակասություններին։ Այս մասին oilprice.com կայքում հրապարակված իր հոդվածում գրում է Գրեգորի Բրոուն։
Դա անելու համար Իրանը պետք է միլիարդավոր ներդրումներ ներգրավի, քանի որ ընթացիկ արդյունահանման հիմքում արդեն սպառվող հանքավայրերն ու քայքայված ենթակառուցվածքն է։
Նոր ներդրումների համար Իրանին առնվազն 100 մլրդ դոլար է պետք։ ԱՄՆ նոր հակաիրանյան պատժամիջոցները փորձում են ճնշել Իրանի տարածաշրջանային նկրտումները։ Իրանը, սակայն, ԱՄՆ հռետորաբանությանը լուրջ չի վերաբերվել ու միայն մեկ իրանցի չինովնիկն է այդ առթիվ արտահայտվել՝ Թրամփի վարչակազմին անվանելով ոչ փորձառու։
Հարցն այն է,թե այդ նոր պատժամիջոցները կամ ԱՄՆ հետագա գործողությունները ինչպես կարող են խոչընդոտել Իրանի նավթի արդյունահանմանն ու գազի արդյունաբերության զարգացմանը։ Պատժամիջոցները արդեն իսկ թեթեւակիորեն ազդել են գների վրա, իսկ եթե ԱՄՆ ու Իրանի միջեւ լարվածությունը շարունակվի, գների վրա հետագա ճնշումն անխուսափելի կլինի։
Այս իրավիճակը կանդրադառնա նաև ամերիկյան ընկերությունների հետ Իրանի գործարքների վրա։ Նավթի նախարարի տեղակալ Ամիր Հուսեյն Զամանինիան ողջունել է ամերիկյան ընկերությունների կողմից հետաքրքրությունը, բայց նախազգուշացրել, որ քանի դեռ առաջնային պատժամիջոցները պահպանվում են, ամերիկյան ֆիրմաները չեն կարող որեւէ դեր կատարել Իրանի նավթային ու գազային արդյունաբերության մեջ։
Իրանական մամուլն էլ գրում է , որ նոր պատժամիջոցները կմեկուսացնեն ԱՄՆ-ին , այլ ոչ թե Իրանին, որը կշարունակի անարգել գործարքներ կնքել եվրոպական ընկերությունների հետ։
Առանց ամերիկյան ընկերությունների էլ Իրանը հավանաբար կկարողանա ներգրավել անհրաժեշտ ներդրումները։ Փետրվարին կկայանան սակարկությունները՝ 29 ընկերությունների մասնակցությամբ, մեծամասամբ չինական ու ասիական։
Անկախ նրանից՝ սակարկությունները հաջող կլինեն թե ոչ, մեծ հավանականություն կա, որ Իրանը կշարունակի օգտագործել իր նավթի ու գազի դեռ չշահագործված հանքավայրերը՝ չնայած ԱՄՆ պատժամիջոցներին։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...