300 մլն դեղաչափ. Եվրահանձնաժողովը Նուբար Աֆեյանի Moderna ընկերության հետ պատվաստանյութի ներկրման 2-րդ պայմանագիրն է կնքել
Եվրահանձնաժողովն ամերիկյան Moderna ընկերության հետ երկրորդ պայմանագիրն է կնքել` նոր կորոնավիրուսի դեմ լրացուցիչ 300 միլիոն չափաբաժին պատվաստանյութ ներկրելու վերաբերյալ: Այս մասին չորեքշաբթի Բրյուսելում կայացած մամուլի ասուլիսի ընթացքում հայտարարել է Եվրահանձնաժողովի ղեկավար Ուրսուլա վոն դեր Լեյենը, հաղորդում է ՏԱՍՍ լրատվական գործակալությունը:
Ուրսուլա վոն դեր Լեյենը նշել է, որ Եվրամիությունում 22 միլիոն մարդ արդեն իսկ պատվաստվել է կորոնավիրուսի դեմ պատվաստանյութի առաջին չափաբաժինը, ինչը կազմում է բնակչության մոտ 5 տոկոսը:
«Մինչ օրս Եվրամիությունը ստացել է պատվաստանյութերի 33 միլիոն չափաբաժին: 22 միլիոն մարդ՝ բնակչության մոտ 5տոկոսը, արդեն պատվաստվել է առաջին չափաբաժնով, իսկ 7 միլիոն մարդ՝ երկու չափաբաժնով», - նշել է նա:
Չորեքշաբթի ավելի վաղ Եվրահանձնաժողովը հայտարարել էր, որ օրվա ընթացքում համաձայնագիր կստորագրի գերմանական BioNTech ընկերության և նրա ամերիկյան գործընկեր Pfizer ընկերության հետ` պատվաստանյութի ևս 300 միլիոն չափաբաժին ներկրելու վերաբերյալ: Միևնույն ժամանակ, 2020 թվականի առաջին եռամսյակում Եվրամիությունը կստանա գրեթե երեք անգամ քիչ պատվաստանյութ, քան ակնկալվում էր՝ բոլոր մատակարարների արտադրական կարողությունների բացակայության և նյութատեխնիկական խնդիրների հետևանքով: Ըստ Եվրահանձնաժողովի, հունվարի սկզբից մինչև մարտի վերջ ԵՄ 27 երկրներ կստանան պատվաստանյութի շուրջ 106 միլիոն չափաբաժին, և միայն երկրորդ եռամսյակում Բրյուսելն ակնկալում է 3 ամսվա ընթացքում մատակարարումը հասցնել 300 միլիոնի:
Ինչպես նշել է «ՌԻԱ Նովոստի» լրատվական գործակալությունը, ներկայումս ԵՄ շուկայում թույլատրվում է երեք պատվաստանյութ՝ Pfizer / BioNTech (մինչև 600 միլիոն չափաբաժին), Moderna (160 միլիոն չափաբաժին) և Astra Zeneca (մինչև 400 միլիոն չափաբաժին):
ԵՄ-ն ակնկալում է, որ սեպտեմբերի կեսին եվրոպացիների մոտ 70 տոկոսը պատվաստված կլինի:
Լրատվական գործակալությունը հավելել է, որ վերջին շաբաթներին ԵՄ-ն բախվել է մի շարք մարտահրավերների ՝ Pfizer / BioNTech և Astra Zeneca ընկերություններից պատվաստանյութերի մատակարարման հարցում: Առաքումների ուշացումը կարող է խափանել պատվաստումների վերաբերյալ Բրյուսելի հավակնոտ ծրագրերը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները