Մեզ այն ժամանակ շատ ցինիկ պատասխան տրվեց, որ կորոնավիրուսի ժամանակ հարմար չէ զորավարժություններ անել. պատգամավոր
Պատերազմից հետո բանակը պետք է վերակազմավորվի, մենք պետք է հասկանանք՝ որոնք էին մեր խնդիրները եւ ինչու մենք հայտնվեցինք այս վիճակում՝ ունենալով քաջ զինվոր։ Այս մասին NEWS.am-ի հետ զրույցում ասաց Արցախի ԱԺ «Արդարություն» կուսակցության պատգամավոր Մետաքսե Հակոբյանը` անդրադառնալով Արցախի ՊԲ-ն կազմալուծելու մասին խոսակցություններին:
«Հետեւաբար պետք է փոփոխություններ ավելի կազմակերպված բանակ ունենալու համար։ Արցախի անվտանգության խորհրդի քարտուղարը խոսեց այդ մասին եւ ասաց, որ ոչ թե չի լինելու ՊԲ բանակ, այլ հակառակը, մենք պետք է ունենանք վարձատրվող, պրոֆեսիոնալ զինվորներ։ Ինչպե՞ս են այդպիսի հայտարարություններ անողները պատկերացնում պատերազմող երկրում բանակ չունենալը։ Միանշանակ անհնար է, որ բանակը լուծարվի, այդ շռայլությունը մենք մեզ թույլ տալ չենք կարող։ Բացի այդ մենք ունեցել ենք ազգ-բանակ, աշխարհազոր ունենալու գաղափար, յուրաքանչյուրս մեր տանը նստած պիտի ունենանք այն նվազագույն հմտությունները, որ զինվորը պետք է ունենա, եւ դրա համար պետք է լինեն հաճախակի զորավարժություններ, որպեսզի պատերազմի ժամանակ յուրաքանչյուրս իմանանք մեր գործողությունները»,-ասաց նա:
Պատգամավորը նշեց, որ այս պատերազմի ժամանակ քաղաքացիները, նաեւ ինքը շատ հաճախ զգացել են, թե որքան քիչ է իրենց պատրաստվածությունը նման իրավիճակներին.
«Այս պատերազմի ժամանակ ես ինքս էի որոշում իմ գործողությունները՝ նաեւ վտանգելով իմ կյանքը»։
Մետաքսե Հակոբյանն ասաց, որ նախորդ տարվա հունիս ամսին Ազգային ժողովում երբ նորից բյուջե էր հաստատվում, իրենց խմբակցությունը առաջարկեց ՄՈԲ-ի զորավարժություններ անել, սակայն իրենց շատ զարմացրեց իշխանությունների պատասխանը:
«Մեզ այն ժամանակ շատ ցինիկ պատասխան տրվեց, որ կորոնավիրուսի պայմաններում նպատակահարմար չեն գտնում զորավարժություններ իրականացնել, այն դեպքում երբ Ադրբեջանը արդեն արել էր։ Մեր խմբակցության ղեկավարն ասաց՝ պատերազմի ժամանակ էլ չեք պատերազմելո՞ւ՝ հաշվի առնելով պատերազմի վտանգները։ Նաեւ այն ժամանակ հարց բարձրացրինք, որ ապաստարանների համար չնչին գումար է նախատեսվել։ Իսկ հիմա ամբիոնից նույն դեմքերը լուրջ դեմքերով խոսում են զորավարժությունների եւ ապաստարանների կարեւորության մասին։ Այսինքն մենք պիտի այս արհավիրքի միջով անցնեինք, նոր մտածեին»,- հավելեց նա։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան