Շոտլանդիայում 1 ֆունտով գոթական ամրոց է վաճառվում

Շոտլանդական Արբրոթ քաղաքում վաճառվում է երկհարկանի գոթական առանձնատուն: Ինչպես գրում է The Scottish Sun-ը, ամրոցը կարելի է գնել ընդամենը մեկ ֆունտով:

Ամրոցի հավանական գնորդները դեռ շատ չեն, քանի որ կպահանջվի բավականաչափ միջոցներ ներդնել այն վերանորոգելու համար:

Առանձնատունը գտնվում է ոչնչացման վտանգի տակ գտնվող ճարտարապետական ​​օբյեկտների ցանկում, ուստի աճուրդի կազմակերպիչները խնդրում են հավանական գնորդներին նախ և առաջ հստակ գնահատել իրենց հնարավորությունները:

Տան վաճառքը սկսվում է հուլիսի 17-ից: Փորձագետները հույս ունեն, որ նոր սեփականատերը կկարողանա ամրոցին վերադարձնել «նախկին շքեղությունը»:

Ամրոցը կառուցվել է 19-րդ դարում՝ Կորսեր ընտանիքի կողմից: Երկրորդ աշխարհամարտից առաջ այն հյուրանոց էր, այնուհետև՝ մանկատուն: