Ռոբերտ Քոչարյանին դատում են 2008-ին գոյություն չունեցող հոդվածով․ Ռուսական մամուլի անդրադարձը

Մարտի 12-ին Հատուկ քննչական ծառայությունը միջնորդություն ներկայացրեց ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորումը ևս երկու ամիս ժամկետով երկարացնելու վերաբերյալ:

Միջնորդությունը կքննվի այսօր մարտի 13-ին՝ ժամը 12:30 -ին, Երևան քաղաքի ընդհանուր իրավասության դատարանում՝ դատավոր Արմեն Բեկթաշյանի նախագահությամբ:

Եվ ահա երկրորդ նախագահ Ռոբերտ Քոչարյանի գործի քննվելուց առաջ ռուսական մամուլը կրկին նրան անվանում է քաղաքական բանտարկյալ, իսկ ընթացող պրոցեսը անվանում «գործ կարել»։

«Комсомольская правда»-ն հրապարակել է «Նախկին նախագահի նկատմամբ «քրեական գործ են կարում» վերտառությամբ հոդվածը, որում հոդվածագիրը նկատում է, որհարուցված քրեական գործերը գնալով առավել շատ հարցեր է առաջացնում։ Հոդվածագիրը նաև նկատում է, որ Քոչարյանին դատում են 2008 թվականին գոյություն չունեցող հոդվածով, ինչը առնվազն տարօրինակ է։

Նախագահ Քոչարյանի գործին է անդրադարձել նաև «Известия» պարբերականը, որում ևս մանրամասն անդրադարձ է կատարվել գործի խութերին։

Ակնհայտ է, որ երկրորդ նախագահ Ռոբերտ Քոչարյանի խափանման միջոցը փոխելու նիստից առաջ նման հրապարակումները պատահական չեն։ Նման թեմաներին ռուսական մամուլի անդրադարձ և հստակ գնահատակաները նաև երկրի քաղաքական իշխանության գնահատական կարելի է համարել։ Ըստ էության դատական նիստից ժամեր առաջ ռուսական կոմղը կրկին հիշեցնում է Հայաստանի իշխանություններին, որ նախկին նախագահ Ռոբերտ Քոչարյանը իրենց համար քաղբանտարկյալ է, իսկ նրա նկատմամբ սկսվաց պրոցեսը քաղաքակն հաշվեհարդար է։