Քիչ է մնացել տոմսի գնի կեսն էլ տանք, որ մարդիկ գնան Ռուսաստան. Ա. Հովհաննիսյանը՝ ռուսերենին պետական կարգավիճակ տալու առաջարկի մասին
Բազմիցս փորձ է արվել Հայաստանում ռուսերենին պաշտոնական կարգավիճակ հրամցնել՝ շատ անգամ խրախուսելու խոսք տալով: Այսպիսի տեսակետ է հայտնել «Դեմ ենք օտարալեզու դպրոցների բացմանը» շարժման անդամ Արմեն Հովհաննիսյանն «Ազատություն» ռադիոկայանի եթերում:
Անդրադառնալով օրերս ՌԴ-ում սպասարկման ոլորտում աշխատող, հայկական վարորդական իրավունքի վկայականներ ունեցող քաղաքացիներին 10 հազար ռուբլիով տուգանելու մասին հայտարարություններին՝ Արմեն Հովհաննիսյանն ասել է, որ առաջին անգամ պետական մակարդակով, օրենսդրական մակարդակով արդեն ճնշման, սանկցիաների մասին է խոսքը:
«Պարզ է, որ առաջին թիրախները Հայաստանն ու Ուկրաինան են: Մեծ համայնքներ կան, աշխատողներ կան Ռուսաստանում՝ ՀՀ քաղաքացիներ, Ուկրաինայի քաղաքացիներ, այդ երկրներում ռուսերենը պաշտոնական որևէ կարգավիճակ չունի»,-ասել է «Դեմ ենք օտարալեզու դպրոցների բացմանը» շարժման անդամը:
Նա հիշեցրել է, որ ԵԱՏՄ միակ ներկայացուցիչը, որտեղ ռուսերենը պաշտոնական կարգավիճակ չունի, ՀՀ-ն է:
«Այսինքն՝ այն, որ մենք թիրախ ենք, առաջնային թիրախ ենք, պարզ էր առանց Վոլոդինի հայտարարության: Պարոն Վոլոդինը պարզունակ և բացահայտ ձևով հայտարարեց, որ փաստորեն մենք թիրախ ենք»,-եզրահանգման է եկել Արմեն Հովհաննիսյանը:
Նրա խոսքով՝ զոհի դեր է վերցրել մեր իշխանությունը, բոլոր գործողություններն են նրանցից գալիս: Այդ բոլոր գործողությունները միայն զիջումներ են:
«Մի քանի օր առաջ կրթության նախարարը հայտարարեց, որ ատեստատը նաև ռուսերեն են թողարկում, որովհետև շատ երիտասարդներ միանգամից գնում են Ռուսաստան: Բացահայտ ասվեց, որ մենք խրախուսում ենք արտագաղթը Ռուսաստան, օգնում ենք, քիչ է մնացել տոմսի գնի կեսն էլ տանք, որ մարդիկ գնան Ռուսաստան: Դրանից հետո այսպիսի հայտարարություններ են հնչում»,-նկատել է «Դեմ ենք օտարալեզու դպրոցների բացմանը» շարժման անդամը:
Իրենց արժանապատվությունը և ինքնիշխանությունը հարգող երկրներում, ըստ նրա՝ դեմարշներ են արվում տեղում և միանգամից: Այսինքն՝ միանգամից հայտարարում են, որ դա քննարկման ենթակա թեմա չէ: Միանգամից հայտարարում են, որ ՀՀ սահմանադրությամբ 1979 թվականից այս կողմ, նույնիսկ երկրորդ հանրապետությունից այսկողմ սահմանադրության բոլոր տարբերակներում, ՀՀ միակ պետական լեզուն հայերենն է:
«Եթե իրենք ուզում են ինչ-որ կարգավիճակ տալ ռուսերենին, պետք է հերթական անգամ Սահմանադրությունը խեղող և խեղաթյուրող ինչ-որ օրենսդրական ակտեր ընդունեն կամ պիտի հանրաքվեի դնեն, որ ուզում են փոխել Սահմանադրությունը, այսինքն՝ այն կետը, որտեղ ասվում է, որ ՀՀ պետական լեզուն հայերենն է, պիտի դրվի, ըստ օրենքի, քննարկման և հետո պիտի լինի հանրաքվե: Այլ կերպ փոխելու որևէ իրավական լծակ նույնիսկ կառավարությունը չունի»,-պարզաբանել է Արմեն Հովհաննիսյանը:
Նրա կարծիքով՝ կարելի էր պատասխանել, որ ամեն ինչ կանխորոշված է մեր Սահմանադրությամբ: Բայց, քանի որ տեղում ոչ մի դեմարշ չի արվել, որևէ գործողություն չի արվել, «Դեմ ենք օտարալեզու դպրոցների բացմանը» շարժման անդամը որևէ սպասելիք չունի այն առումով, որ փորձելու են հրամցնել, որոշ գործիչներ էլ, ըստ նրա, կսկսեն ասել՝ իսկ ինչո՞ւ ոչ:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Ռուսական գազի գինը Հայաստանի համար չի կարող թանկանալ
Երեւանում եւս ժամանակ առ ժամանակ սպասվում է անձրեւ եւ ամպրոպ
Բելգիայում բացվել է առաջին Թումո կենտրոնը
Պատերազմում շրջադարձային պահ է, հայտարարել է Ուկրաինայի ԱԳ նախարարը
«Ատոմային նոր էներգաբլոկի կառուցում» ՓԲԸ-ի կանոնադրական կապիտալը կհամալրվի 200 մլն դրամով
ՃՏՊ Երեւանի կենտրոնում` մահվան դեպքով
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Ռոնալդինյոն ժամանել է Հայաստան