Ֆրանսիայում անտառային հրդեհների հետևանքով հայտնաբերվել է Երկրորդ համաշխարհային պատերազմի շուրջ 400 միավոր զինամթերք
Ֆրանսիայի հարավում բռնկված անտառային հրդեհների հետևանքով Լը Պորժ գյուղում, ըստ տեղական իշխանությունների, հայտնաբերվել է Երկրորդ համաշխարհային պատերազմի ժամանակներից մնացած շուրջ 400 արկ և այլ զինամթերք։ Ֆրանսիական լրատվամիջոցների փոխանցմամբ՝ հայտնաբերված զինամթերքի թվում եղել են ինչպես գերմանական, այնպես էլ ֆրանսիական ականանետային և հակատանկային արկեր։
Հրշեջ ծառայության հրամանատարի խոսքով՝ հրդեհի ընթացքում տեղի ունեցած պայթյունները, ամենայն հավանականությամբ, եղել են Երկրորդ համաշխարհային պատերազմի զինամթերքի՝ բարձր ջերմաստիճանի ազդեցությունից պայթելու հետևանք։
Ականազերծման աշխատանքներից հետո բնակիչների մեծ մասն արդեն վերադարձել է իրենց տներ, սակայն որոշ հատվածներ շարունակում են փակ մնալ։ Հրդեհի հետևանքով տարածքում այրվել է ավելի քան 180 տուն։
Հիշեցնենք, որ վերջին երկու շաբաթների ընթացքում Եվրոպայի մի շարք երկրներում մոլեգնել են անտառային հրդեհներ, հիմնականում՝ Ֆրանսիայում և Իսպանիայում, որոնց հետևանքով տարհանվել է ավելի քան 330 հազար մարդ։ Ամենից շատ տուժածներից մեկը եղել է Ֆրանսիան, որտեղ երկրի հարավ-արևմուտքում այրվել է շուրջ 42 հազար հեկտար տարածք։ Սա համարվում է Երկրորդ համաշխարհային պատերազմից ի վեր գրանցված խոշորագույն անտառային հրդեհներից մեկը։
Top news
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Մենք միանգամայն արժանիորեն դուրս եկանք հաջորդ փուլ
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Կարլոս Էսպին պայմանագիր է կնքել «Ռեալ Մադրիդի» հետ
ԱՄՆ պետքարտուղարությունը դեմ է Թուրքիային F-35 կործանիչների վաճառքին. Fox News
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Մյունխենի կենտրոնում կառուցվել է փայտից պատրաստված հնգահարկ մանկապարտեզ