Լուկաշենկոն զինվորականներին հանձնարարել է ապահովել երկրի տարածքային ամբողջականության պաշտպանությունը

Բելառուսի նախագահ Ալեքսանդր Լուկաշենկոն պաշտպանության նախարարության ղեկավարությունից պահանջել է ձեռնարկել երկրի տարածքային ամբողջականության պաշտպանության բոլոր միջոցները՝ հատուկ ուշադրություն դարձնելով արեւմտյան հատվածին։ Պետության ղեկավարը համապատասխան հայտարարությունը կատարել է այսօր՝ այցելելով Գրոդնոյին կից ռազմական հրաձգարան։

«Առաջին հերթին պաշտպանել Բելառուսի արեւմտյան մարգարիտը՝ Գրոդնո կենտրոնով։ Ընդունելով մեր երկրի տարածքային ամբողջականության պաշտպանության ամենախիստ միջոցներ»,- ասել է Լուկաշենկոն, ում խոսքը մեջբերել է ԲԵԼՏԱ գործակալությունը։

Բելառուսի նախագահը հայտարարել է, որ իր երկրի դեմ օգտագործում են գունավոր հեղափոխություններ՝ արտաքին գործոնի կիրառմամբ։

«Ամեն ինչ հասկանալի է։ Ինչպես եւ մենք ենթադրում էինք, ամեն ինչ ընթանում է գունավոր հեղափոխությունների ծրագրով՝ երկրում ներքաղաքական իրավիճակի գրգռմամբ»,- հայտարարել է նա։ «Իրավիճակի օրիգինալությունն ու առանձնահատկությունն այն է, որ միացել է արտաքին գործոնը, ինչը ոչ միշտ է լինում։ Նրանք սովորաբար ծավալվում են ներսից, տապալում են գործող իշխանությանը։ Բայց քանի որ մեզ մոտ իշխանությունը տեղում է, կոշտ դիմադրում է, միացրել են արտաքին գործոնը»,- նշել է Լուկաշենկոն։

Նա նաեւ հայտարարել է ընդդիմությանը Արեւմուտքի ակնհայտ ռազմական աջակցության մասին, որի վկայությունն է դեպի Բելառուսի սահմաններ ՆԱՏՕ-ի զորքերի տեղափոխումը։ Երկրի նախագահը ընդդիմությանը արեւմտյան երկրների կողմից աջակցությունը համարում է Բելառուսի իրավիճակին ուղղակի միջամտություն։

Այս թեմայով Մինսկում ընթանում է ընդդիմության «փայլուն երթը» Բելառուսի ՆԳՆ-ն հաստատել է Մինսկում ընդդիմության բողոքի ակցիայի ժամանակ տեղի ունեցած հրաձգությունն ու նշել է ձերբակալվածների թիվը Տիխանովսկայայի աջակից Օլգա Կովալկովան հայտնել է, որ Բելառուսի իշխանություններն իրեն դուրս են բերել երկրից «Մեկը բոլորի եւ բոլորը մեկի համար»․ Տիխանովսկայան հայտարարել է Միասնության քայլերթ Մինսկում «Նրանց «ֆաս» հրաման է տրվել». Լուկաշենկոն մեկնաբանել է մերձբալթյան երկրների կողմից Բելառուսի նկատմամբ սահմանված պատժամիջոցները