Ռուսաստանում կորոնավիրուսի դեմ պատվաստումներն անվճար կլինեն
Ռուսաստանում կորոնավիրուսի դեմ պատվաստումներն անվճար կլինեն, հայտարարել է առողջապահության նախարար Միխայիլ Մուրաշկոն, փոխանցում է «ՌԻԱ Նովոստի»-ն։
«Սխեման... բոլորին հայտնի է․ այն կլինի պլանային»,- ասել է նա լրագրողներին:
Ավելի վաղ Մուրաշկոն պատմել էր, որ օգոստոսի 10-ից մարզեր կսկսեն պատվաստանյութեր մատակարարվել, մարդկանց մեծամասնությունը կկարողանա պատվաստվել հոկտեմբերին:
Առնվազն 17 գիտական կազմակերպություն է աշխատում Ռուսաստանում COVID-19-ի դեմ պատվաստանյութի ստեղծման ուղղությամբ։
Այս պահին արդեն հաջողությամբ ավարտվել են դեղամիջոցի կլինիկական փորձարկումները, որը մշակվել է Գամալեիի անվան համաճարակաբանության եւ մանրէաբանության ազգային հետազոտական կենտրոնում: Ըստ «ՌԻԱ Նովոստի»-ի աղբյուրի՝ պատվաստանյութը կարող է գրանցվել օգոստոսի 10-12-ը, իսկ քաղաքացիական շրջանառության թույլտվություն այն կստանա օգոստոսի 15-16-ը:
Կլինիկական փորձարկումներ է սկսել անցկացնել նաեւ «Վեկտոր» կենտրոնը: