Երկրում ստեղծված իրավիճակը այլևս միայն մեկ հանգուցալուծում ունի՝ իշխանության հրաժարական. Գեւորգ Գեւորգյան
Երկրում ստեղծված իրավիճակը այլևս միայն մեկ հանգուցալուծում ունի՝ իշխանության հրաժարական։ Այս մասի իր ֆեյսբուքյան էջում գրել է ազատամարտիկ Գեւորգ Գեւորգյանը:
«Ազգային, պետականամետ և քաղաքական հասունությամբ ուժերի կոնսոլիդացիան արդեն ոչ թե անհրաժեշտություն է, այլ հրամայական: Այս ճանապարհով է միայն հնարավոր կանխել, առանց իզմերի, անհեռանկար խմբակ-իշխանության ձեռամբ ստեղծված քաոսը: Բոլոր ոլորտներին վերաբերվող՝ նույնիսկ ամենալավատեսական վերլուծությունները ցույց են տալիս.
. իշխանությունը կազմաքանդում է պետության ինստիտուցիոնալ համակարգը։ Սա արշավ է պետության և Ազգի դեմ:
. երկիրը շնչահեղձ է լինում համավարակի կայծակնային տեմպերից
. տնտեսությունը գահավիժում է
. ժողովուրդը աղքատության եզրին է
. հայտնվել ենք արտաքին քաղաքական մեկուսացման մեջ
. Արցախի հարցի խաղաղ կարգավորման սկզբունքները արդեն անտեսվում են միջազգայնորեն: 20 տարի շարունակ՝ միջազգային օրակարգի թեմա դարձած, Արցախի ինքնորոշման միջազգային ճանաչման մեր սկզբունքային հարցը արդեն փոխարինվում է ագրեսոր ադրբեջանի տարածքային ամբողջականության կեղծ հարցով: Սա վտանգ է մեզ համար, և այս վտանգի առաջ մեր պետությանն ու ժողովրդին կանգնեցրել է Նիկոլ Փաշինյանը՝ երկու տարի շարունակ ալիև գովերգելով, հակառակորդի համար ընդունելի տարբերակներ փնտրելով: Հակամարտության կարգավորման փուլում, պետության ղեկավարը հանդես է գալիս ագրեսոր հակառակորդի շահերը սպասարկող հայտարարություններով և քայլերով: Սա ոչ թե իշխանություն է, այլ պետություն քանդող և դեպի գաղութացում տանող մեխանիզմ:
Այդ մեխանիզմը հիմնովին խափանե´լ է պետք:
Ես հավատում եմ Աստծո զորությանը, մեր ազգային միասնականությանը և կամքին: Մեր բիբլիական երկիրը չի կարող ղեկավարվել ազգային արժեհամակարգ քանդող, եկեղեցի և կրոն քարկոծող, ավանդական հայ ընտանիքի մոդելը տարատեսակ սեռերով խեղող, իրական ժողովրդավարությունը պոպուլիզմով փոխարինող խմբակի կողմից»,- գրել է նա:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...