Օտարերկրյա զբոսաշրջիկներին ստիպել են 500 անգամ գրավոր ներողություն խնդրել կարանտինի պայմանները խախտելու համար. Daily Mail (լուսանկարներ)

Հնդիկ իրավապահները Իսրայելից, Մեքսիկայից, Ավստրալիայից և Ավստրիայից ժամանած տասը զբոսաշրջիկի ստիպել են 500-ական անգամ ներողություն խնդրել նոր տեսակի կորոնավիրուսի տարածման նպատակով սահմանված կարանտինի պայմանները խախտելու համար:

Ինչպես նշում է Daily Mail-ը, երկրի իշխանությունները մարտի վերջին երկրի ամբողջ տարածքում սահմանափակել են բնակիչների տեղաշարժը՝ նրանց կարգադրելով տնից դուրս գալ միայն մթերք կամ դեղամիջոց գնելու նպատակով:

Մինչդեռ զբոսաշրջիկներին տեսնելով Ռիշիկեշ քաղաքի փողոցներով զբոսնելիս՝ ոստիկանները որպես պատիժ նրանցից յուրաքանչյուրին ստիպել են հինգ հարյուր անգամ թղթի վրա գրել հետևյալ նախադասությունը.«Չեմ հետևել կարանտինի պահպանման կանոններին, ուստի՝ ներողություն եմ խնդրում»:

Պարբերականը հավելում է, որ Հնդկաստանում ոստիկանները բնակիչներին տանը պահելու համար տարբեր միջոցների են դիմում՝ կորոնավիրուսի տեսքով գլխարկներ կրելուց մինչև մահակներով ծեծ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը