Թաիլանդի թագավորն ինքնամեկուսացել է արտասահմանում մի քանի տասնյակ սիրուհիների հետ

Թաիլանդի թագավոր Մախա Վաչիրալոնգկորն Ռամա Х-ն ինքնամեկուսացել է արտասահմանյան շքեղ հյուրանոցում: Այս մասին հաղորդում է  Daily Mirror-ը:

67-ամյա թագավորը գնել է գերմանական Grand Hotel Sonnenbichl 4-աստղանի հյուրանոցի բոլոր համարները եւ կարանտինի ժամանակ այնտեղ է տեղափոխվել մի քանի տասնյակ հարճերի հետ, նշում են գերմանական ԶԼՄ-ները: Չի ճշտվում տեղեկությունը, թե կանայք նրա հետ են, թե ոչ: Գերմանիայի իշխանությունները Ռամա Х-ին պաշտոնապես թույլատրել են մուտք գործել երկիր եւ այնտեղ հանգստանալ՝ չնայած համընդհանուր մեկուսացման ռեժիմին: 

Հենց լուրը հայտնվեց սոցցանցերում, թաիլանդցիները սկսեցին իրենց դժգոհությունը հայտնել: Նրանք Twitter-ում նոր հեշթեգ են տեղադրել, որը թաիլանդերենից թարգմանաբար նշանակում է «Ինչի՞ համար է մեզ պետք թագավոր»: Այդ հեշթեգի տակ արդեն կան միլիոնից ավելի մեկնաբանություններ: Տեղաբնակներն իրենց դժգոհությունն են հայտնում, չնայած որ օրենքով թագավորին վիրավորելու համար նրանց մինչեւ 15 տարվա ազատազրկում է սպառնում:  

Թագավորն ամուսնացել է 4 անգամ: 1977 թվականին թագավորն ամուսնացել է քրոջ հետ: Երեք տարի անց նրանք բաժանվել են, բայց ապահարզանը ձեւակերպվել է միայն 1993-ին: Այդ ընթացքում թագավորն ամուսնացել է սիրուհու՝ դերասանուհի Յուվադխիդա Պօլպրասետի հետ: 1994 թվականին նրանք գրանցեցին իրենց ամուսնությունը, իսկ երկու տարի անց թագուհին փախավ Մեծ Բրիտանիա: 

Թագավորը կնոջ փախուստը բացատրեց նրանով, որ կինն իրեն դավաճանել է ավիացիայի 60-ամյա մարշալի հետ: Նա նոր մարշալ նշանակեց իր գաճաճ պուդելին եւ գտավ իր երրորդ կնոջը: 2014 թվականին մամուլում լուսանկարներ հրակարակվեցին, որոնցում մերկ թագուհին կերակրում էր պուդելին: Մի քանի ամիս անց կոռուպցիայի մեղադրանքով թագուհին կորցրեց իր արքայական կոչումները, իսկ պուդելը՝ սատկեց: 

4-րդ եւ դեռեւս վերջին ամուսնությունը կնքվել է 2019 թվականի մայիսին: 66 ամյա թագավորն ամուսնացել է բորտուղեկցորդուհի 40 ամյա Սուտխիդ Թիջայի հետ, որը ղեկավարում է թագավորի անձնական թիկնազորը: Ներկայիս ֆավորիտուհին 7 տարով երիտասարդ է Սուտխիդայից: Նա նույնպես ծառայել է թագավորի թիկնազորում: 

Top-News.am

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը