Ֆրանցիսկոս. «Ուզում էինք առողջ մնալ հիվանդ աշխարհում»

Հռոմի Ֆրանցիսկոս պապը երեկ Վատիկանում Սուրբ Պետրոսի հրապարակում հավատացյալներին դիմել է Urbi et Orbi (Հռոմին և աշխարհին) ուղերձով, որն ավանդաբար ընթերցվում է Սուրբ Ծնունդի և Հարության տոնական օրերին:

Այս արտահերթ ուղերձում պապն ասել է, որ «աշխարհի մարդիկ հիմա մեկ նավակում են և պետք է սիրով ու համերաշխության, մեկմեկու սատարելով հաղթահարեն կորոնավիրուսի պատուհասը»:

Հռոմի պապը նաև աղոթել է վիրուսի հազարավոր զոհերի հոգիների համար և իր գերագույն ակնածանքն է հայտնել այս օրերին ճգնաժամային պայմաններում աշխատող բժիշկներին և այլ մասնագետներին:

Կաթոլիկ եկեղեցու քահանայապետը COVID-19 հիվանդությունը համեմատել է անսպասելի ավերիչ փոթորկի հետ:

«Այս համավարակից առաջ մարդիկ դրսևորել են ագահություն, անտեսել են պատերազմները և անարդարությունը, միայն շահույթով հետաքրքրված՝ չեն լսել աղքատների լացը, չեն լսել մեր տկարացող մոլորակի գանգատները, մենք կարծում էինք, որ այդպես կարող ենք շարունակել, ուզում էինք առողջ մնալ հիվանդ աշխարհում»,- ասել է Հռոմի 83-ամյա քահանայապետը:

Հռոմի պապը Սուրբ Պետրոսի հրապարակում միայնակ է աողթել, մեծ հեռավորության վրա հրապարակում եղել են փոքր թվով հավատացյալներ, լրագրողներ և ոստիկաններ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը