Ձերբակալել են կորոնավիրուս տարածելու նպատակով մետրոյի շարժասանդուղքի բռնակները լիզած տղամարդուն.korrespondent

Մյունխենում ձերբակալվել է 33-ամյա մի տղամարդ, որը կասկածվում է մարդկանց կորոնավիրուսով մտադրված վարակելու համար։ Ենթադրյալ չարագործը լիզել է բավարական մայրաքաղաքի մետրոյում տոմսերի վաճառքի ավտոմատ սարքերը, կայանատեղիների և շարժասանդուղքի բռնակները, հայտնում է korrespondent.net կայքը՝ հղում տալով մյունխենյան ոստիկանության տարածած հայտարարությանը։

Ձերբակալվածն իր գործողությունները տեսանկարահանել է, այնուհետև կադրերը հրապարակել սոցցանցում։

Հայտարարության մեջ ասվում է, որ տղամարդը պնդել է, թե COVID-19-ով է վարակված։ Վերջինիս անձը հնարավոր է եղել պարզել բողոքի հիման վրա։ Դեպքի առիթով անցկացվում է հետաքննություն․ տվյալ պահին պարզաբանվում է, թե արդյոք նա վարակված է կորոնավիրուսով։

Միևնույն ժամանակ, մարտի 22-ից սկսած Մյունխենում բավարական կառավարության կողմից փողոց դուրս գալու մասին արգելքի ընդունումից հետո ոստիկանությունը մոտ 4000 ստուգում է իրականացրել, որի ընթացքում մոտ 200 խախտում է հայտնաբերվել։

Բավարիան Գերմանիայի առաջին դաշնային երկրամասն է դարձել, որը COVID-19-ի հետագա տարածումը կանխելու նպատակով հայտարարել է մասնակի մեկուսացման մասին։ Քաղաքացիների տեղաշարժը սահմանափակող նոր, ավելի խիստ կանոններն ուժի մեջ են մտել մարտի 21-ից և երկու շաբաթ կտևեն։

Գերմանիայում հաստատվել է նոր տեսակի կորոնավիրուսով վարակման 26 000 դեպք, որից 111-ը՝ մահվան ելքով։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը