ԱՀԿ ղեկավարը խորհուրդ է տվել հրաժարվել ծխելուց եւ սահմանափակել ալկոհոլի օգտագործումը կորոնավիրուսի պայմաններում

Ծխելուց հրաժարումը, ալկոհոլի սահմանափակումն ու ֆիզիկական վարժությունները կօգնեն ամրապնդել օրգանիզմն ու հաղթարահել սթրեսը կորոնավիրուսի պանդեմիայի պայմաններում, խորհուրդ է տվել ԱՀԿ գործադիր տնօրեն Թեդրոս Ադան Հեբրեյեսուսը, հաղորդում է ՏԱՍՍ-ը:

«Մենք խորհուրդներ ենք տալիս ոչ միայն երկրներին, այլ նաեւ մարդկանց»,-պարզաբանել է նա՝ հիշեցնելով, որ ներկայիս պանդեմիան կտրականապաես փոխել է հասարակության կյանքը: «Ներկա դժվար օրերին կարեւոր է շարունակել հետեւել ֆիզիկական եւ հոգեկան առողջությանը»,-նշել է ԱՀԿ ղեկավարը: Նախ, անհրաժեշտ է պահպանել առողջ սննդակարգ, որն օգնում է իմունային համակարգին աշխատել ինչպես հարկն է, այնուհետեւ անհրաժեշտ է սահմանափակել ալկոհոլը: Երրորդ խորհուրդը ծխելը դադարեցնելու մասին է, քանի որ, գործադիր տնօրենի խոսքով, ծխելը մեծացնում է ծանր հիվանդությունների ռիսկը կորոնավիրուսով վարակվելու դեպքում: Դեռ ավելին, անհրաժեշտ են ֆիզիկական վարժությունները: ԱՀԿ-ն խորհուրդ է տալիս ամենօրյա մարզումներ առնվազն 30 րոպե տեւողությամբ մեծահասակների եւ առնվազն 1 ժամ տեւողությամբ երեխաների համար:

ԱՀԿ ներկայացուցիչը նաեւ խորհուրդ է տվել զբոսնել, եթե դա համապատասխանում է պանդեմիայի պայմաններում տեղական իշխանությունների սահմանած կանոններին: Եթե չկա փողոց դուրս գալու հնարավորություն, ապա վարժությունները պետք է կատարել տանը: «Պարեք երաժշտության ներքո, զբաղվեք յոգայով»,-ասել է ԱՀԿ ղեկավարը: Տանն աշխատելիս խորհուրդ չի տրվում նստել նույն դիրքում երկար ժամանակ: Յուրաքանչյուր երեսուն րոպե մեկ անհրաժեշտ է վեր կենալ եւ երեքրոպեանոց դադարներ կազմակերպել:

Անհրաժեշտ է ուշադրություն դարձնել հոգեկան առողջությանը: «Սովորաբար ճգնաժամերի ընթացքում առաջանում է սթրես: Մարդկանց հետ շփումն ու փոխվստահությունը կարող են օգնել այդ իրավիճակում»,-ասել է գործադիր տնօրենը՝ հավելելով. «Ուրիշ մարդկանց ցուցաբերվող աջակցությունը կօգնի եւ ինքներդ ձեզ»: Նա խորհուրդ է տվել լսել երաժշտություն, կարդալ գրքեր եւ խաղալ խաղեր: «Ստացեք տեղեկատվություն հուսալի աղբյուրներից օրական 1-2 անգամ»,-խորհուրդ է տվել նա: Դեռ ավելին, կազմակերպությունը, համագործակցելով սոցցանցերի հետ, մեկնարկում է ծառայություն կորոնավիրուսի մասին բնակչությանն իրազեկելու համար: «Այդ ծառայությունն աշխատում է անգլերենով, իսկ հաջորդ շաբաթից կգործի նաեւ ուրիշ լեզուներով»,-հայտնել է նա:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը