Իսպանիան փակում է սահմանը արտասահմանցիների համար

Իսպանիան, կորոնավիրուսի համաճարակի հետ կապված, ցամաքային սահմաններին վերահսկողություն սահմանելու որոշում է կայացրել։ Երկրի տարածք մտնել կարող են միայն իսպանացիները, նրանք, ովքեր կացության թույլտվություն ունեն, ինչպես նաեւ արտասահմանցիները՝ ծայրահեղ դեպքերում, հայտնում է ՌԻԱ Նովոստին։

«Սկսած ժամը այսօր գիշերը 00։00-ից եւ մինչեւ բարձր պատրաստակամության ռեժիմի ավարտը թույլ կտրվի ցամաքային սահմանի հատում իսպանական քաղաքացիների եւ նրանց կողմից, ովքեր կապացուցեն ֆորս-մաժորային եւ ծայրահեղ անհրաժեշտության իրավիճակը»,- մամուլի ասուլիսում հայտարարել է իսպանիայի ԱԳՆ ղեկավար Ֆերնանդո Գրանդե-Մարլասկան։ Սահմանը նաեւ կարող են հատել սահմանակից շրջանների բնակիչները, որոնք աշխատում են Իսպանիայի տարածքում, եւ արտասահմանյան դիվանագետները։

Նա պարզաբանել է, որ սահմանափակումները չեն առնչվի ապրանքների փոխադրմանը։

«Մեր նպատակը մարդկանց առողջությունը պաշտպանելն է եւ վիրուսի տարածումը զսպելը»,- հավելել է Մարլասկան։

Ներկա պահին Իսպանիան վարակվածների թվով Եվրոպայում երկրորդ տեղում է Իտալիայից հետո եւ աշխարհում չորրորդ տեղում (Չինաստանից, Իտալիայից եւ Իրանից հետո)։ Մարտի 16-ի դրությամբ հայտնաբերվել է ավելի քան 9000 վարակման դեպք։ Զոհերի թիվն անցել է 300-ից։ Ամենածանր իրավիճակը Մադրիդում է։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը