Ղազախստանում կորոնավիրուսի պատճառով արտակարգ դրություն է հայտարարվել

Ղազախստանի նախագահ Կասիմ Ժոմարտ Տոկաևը հրամանագիր է ստորագրել, որով մարտի 16-ից ամբողջ հանրապետության տարածքում արտակարգ դրություն է հայտարարվել կորոնավիրուսի տարածման պատճառով: Այս մասին տեղեկացնում է РИА Новости գործակալությունը` հղում անելով երկրի ղեկավարի մամուլի ծառայությանը:

Ներկայիս դրությամբ Ղազախստանի առողջապահության նախարարությունը հայտնել է երկրում վարակվածության 8 դեպքի մասին:

«Առողջապահության համաշխարհային կազմակերպության կողմից նոր կորոնավիրուսը համաճարակ ճանաչելու հետ կապված քաղաքացիների կյանքն ու առողջությունը պահպանելու համար համաձայն Ղազախստանի հանրապետության օրենսդրությանը, Ղազախստանի հանրապետության ամբողջ տարածքում հայտարարել արտակարգ դրություն 2020թ. մարտի 16-ի ժամը 08:00-ից (Երևանի ժամանակով 06:00-ից) մինչև 2020թ. ապրիլի 15-ի ժամը 07:00-ն (Երևանի ժամանակով 05:00-ն)»,-ասված է հրամանագրի տեքստում:

Կորոնավիրուսի համաճարակի մասին Չինաստանի իշխանություններն ԱՀԿ-ին հայտնել էին դեկտեմբերի 31-ին: Հայտնի է, որ վիրուսը տարածվել է Հուբեյ նահանգի Ուհան քաղաքից: Չինաստանի սահմաններից դուրս վարակների մեծ մասը հայտնաբերվել է Հարավային Կորեայում, Իրանում և Իտալիայում: Ընդհանուր առմամբ, վարակի դեպքեր են հաստատվել ավելի քան 110 երկրում:

Ամբողջ աշխարհում կորոնավիրուսով վարակվածների ընդհանուր թիվը հասել է 145 931-ի, մահվան դեպքերը 5440 են: Հայաստանում հաստատվել է վարակի 15 դեպք։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը