Ավստրիայի դեսպանություններն ու հյուպատոսությունները դադարեցնում են վիզաների տրամադրումը

Ավստրիայի դեսպանություններն ու հյուպատոսությունները նոր կորոնավիրուսի տարածման դեմ պայքարի նպատակով դադարեցնում են վիզաների տրամադրումը ամբողջ աշխարհում։ Այս մասին շաբաթ օրը հայտարարել է Ավստրիայի ԱԳՆ-ն, որի հայտարարությունը տարածվել է Տպագրության ավստրիական գործակալության միջոցով, հայտնում է ՏԱՍՍ-ը։

«Սա նոր միջոց է, որպեսզի դադարի կորոնավիրուսի տարածումը անհարկի ուղեւորություններից խուսափելու միջոցով»,- ասվում է Ավստրիայի ԱԳՆ հայտարարության մեջ։

Միջոցը վերաբերում է վիզաների տրամադրմանը եւ դիմումների ներկայացմանը։ Բացառություն են դարձել Ավստրիայի քաղաքացիների մտերիմ ազգականների եւ ԵՄ քաղաքացիների դիմումները։ «Միջոցը ծառայում է նաեւ դեսպանությունների աշխատակիցների պաշտպանությանը»,- հավելել է ԱԳՆ-ը։

Ավստրիական իշխանությունները կորոնավիրուսի տարածումը մինիմալացնելու համար արգելել են մինչեւ ապրիլ խոշոր զանգվածային միջոցառումների անցկացումը։ Կենտրոնական թանգարանների, թատրոնների, կինոթատրոնների, ցուցահանդեսների, համերգների, գիշերային ակումբների եւ սպորտային իրադարձությունների վարչակազմերը հայտարարել են մինչեւ ապրիլի 3-ը հարթակների փակման մասին՝ կառավարության որոշման համաձայն։ Բոլոր բարձրագույն ուսումնական հաստատություններում, դպրոցներում եւ մանկապարտեզներում մինչեւ ապրիլի 12-ը անցում է կատարվում հեռահար ռեժիմի։ Մարտի 16-ից Ավստրիան փակում է բոլոր առեւտրի կենտրոնները, բացառությամբ մթերային խանութների, դեղատների եւ լիցքավորման կետերի, սահմանփակում է ռեստորանների աշխատանքը մինչեւ 15։00։

Նոր կորոնավիրուսով Ավստրիայում վարակվել է 602 մարդ, որոնցից մեկը մահացել է, վեցը՝ առողջացել։

Նոր կորոնավիրուսից առաջացած հիվանդության բռնկումը գրանցվել էր 2019թ․ դեկտեմբերի վերջին՝ Չինաստանի Ուհան քաղաքում։ Առողջապահության համաշխարհային կազմակերպությունը այն ճանաչել է բազմաթիվ օջախներով պանդեմիա եւ միջազգային մասշտաբի արտակարգ իրավիճակ։ ՉԺՀ-ի սահմաններից դուրս ամենաշատ վարակվածները Իտալիայում են, Հարավային Կորեայում եւ Իրանում։ Վարակման դեպքեր են հայտնաբերվել ավելի քան 120 երկրներում։ Ընդհանուր առմամբ, ԱՀԿ տվյալներով, աշխարհում վարակվել է ավելի քան 137 000 մարդ, ավելի քան 5000-ը մահացել է։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը