Բելգիայում կորոնավիրուսի պատճառով համազգային կարանտին է հայտարարվել

Բելգիան «անցել է COVID-19 կորոնավիրուսային համաճարակին արձագանքման երրորդ փուլին», հայտարարել է վարչապետ Սոֆի Վիլմեսը: Այս փուլը համազգային կարանտին է ենթադրում:

ՏԱՍՍ-ի փոխանցմամբ` երկրում չեղարկվում են բոլոր զանգվածային միջոցառումները` մասնավոր եւ հասարակական:Նոր սահմանափակումներն ուժի մեջ կմտնեն շաբաթ օրը` մարտի 14-ին, եւ կգործեն մինչեւ ապրիլի 3-ը:

Լուրջ սահմանափակումներ են մտցվել նաեւ Իտալիայում. մարտի 10-ին այս երկրում սահմանափակել են քաղաքացիների տեղաշարժն ամբողջ երկրով: Տեղաշարժվել կարելի է միայն ծանրակշիռ պատճառներով, ներառյալ աշխատանքային կամ ընտանեկան հանգամանքները, ինչպես նաեւ` առողջական պատճառներով: Բացի այդ, Իտալիայում բոլոր ուսումնական հաստատությունները կփակվեն մինչև ապրիլի 3-ը:

Բելգիայում, վերջին տվյալներով, կորոնավիրուսով վարակման 399 դեպք եւ մահվան 3 դեպք է գրանցվել, իսկ Իտալիայում` 15 113 վարակման եւ 1016 մահվան դեպք:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը