Իտալիայում կորոնավիրուսի տարածման պատճառով արգելվել է առևտուրը. այն կթույլատրվի միայն մթերային խանութներում և դեղատներում

Իտալիայի իշխանությունները որոշում են ընդունել փակել բոլոր խանութները, բացի մթերայիններից և դեղատներից: Նման միջոցառումները պայմանավորված են երկրում նոր տեսակի կորոնավիրուսի տարածմամբ, հայտնում է ТАСС-ը:

Նոր սահմանափակումների մասին մամուլի ասուլիսի ժամանակ հայտնել է երկրի վարչապետ Ջուզեպպե Կոնտեն:

Հիշեցնենք, որ Իտալիայում կորոնավիրուսով պայմանավորված հիվանդությունից մահացածների թիվը մեկ օրում ավելացել է 196-ով, մահացության ընդհանուր ցուցանիշը երկրում հասել է 827-ի: Այս մասին հայտնել է Քաղաքացիական պաշտպանության գործակալության ղեկավար Անջելո Բորելին:

Նրա խոսքով՝ վարակակիրների թիվը մեկ օրում ավելացել է 2000-ով՝ հասնելով 12 462-ի: «Այսօր ունենք 41-ով ավելի ապաքինվածներ, նրանց ընդհանուր թիվը կազմում է 1045», - հավելել է Բորելին:

Բորելին նշել է նաև, որ կորոնավիրուսի վերաբերյալ տվյալները շարունակում են աճել վերջին մի քանի օրերի միտումով:

Վերջին տվյալներով՝ ողջ աշխարհում վարակակիրների թիվը հասել է 124,578-ի, մահացածներինը՝ 4574-ի:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը