Չինաստանն Իրանին 290 000 դոլար է տրամադրել կորոնավիրուսի դեմ պայքարի համար. Պեկինը պատրաստ է օգնել նաև Իտալիային

Չինաստանը մարդասիրական օգնություն է ցուցաբերել Իրանին՝ 290 000 դոլար փոխանցելով երկրում կորոնավիրուսի համաճարակի դեմ պայքարի համար:

Բացի այդ, Չինաստանը պատրաստակամություն է հայտնել կորոնավիրուսի դեմ պայքարում մարդասիրական օգնություն ցուցաբերել նաև Իտալիային: Այս մասին հայտնել է երկրի արտգործնախարար Վան Ին՝ իտալացի գործընկեր Լուիջի դի Մայոյի հետ ունեցած զրույցի ընթացքում, գրում է korrespondent.net կայքը։

«Մենք չենք մոռանա այն աջակցությունը, որն Իտալիան ցուցաբերել է Չինաստանին համաճարակի՝ մեր համար դժվար ժամանակահատվածում։ Այժմ մենք նույնպես պատրաստ ենք կանգնել իտալացի ժողովրդի կողքին»,– հատարարել է Վան Ին՝ հավելելով, որ իրենք անպայման համաճարակի նկատմամբ հաղթանակ կտանեն։

Իտալիան Չինաստանից հետո համարվում է ամբողջ աշխարհում կորոնավիրուսից ամենաշատ տուժած երկիրը։ Վերջին օրերին Իտալիայում նոր տեսակի կորոնավիրուսից մահացածների թիվը կտրուկ ավելացել է՝ հասնելով 631-ի, ընդհանուր վարակակիրների թիվն այս պահին գերազանցել է 10 000–ը։

Վերջին տեղեկությունների համաձայն՝ Իրանում կորոնավիրուսով վարակվածների ընդհանուր թիվը հասել է 8042–ի, որից առնվազն 291–ը՝ մահվան ելքով։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը