Մեծ Բրիտանիայի առողջապահության փոխնախարարը վարակվել է կորոնավիրուսով

Մեծ Բրիտանիայի առողջապահության նախարարի` պացիենտների անվտանգության հարցերով տեղակալ Նադին Դորիսը վարակվել է COVID-19 կորոնավիրուսով:

«Ես կարող եմ հաստատել, որ կորոնավիրուսի իմ անալիզները դրական արդյունք են ցույց տվել: Հենց ինձ այդ մասին տեղեկացրեցին, ես ձեռնարկեցի բոլոր անհրաժեշտ միջոցները եւ ինքնամեկուսացվեցի տանը»,- ասվում է Դորիսի հայտարարության մեջ:

Դորիսը բրիտանացի առաջին խորհրդարանականն է, ով տուժել է կորոնավիրուսից: Ըստ բրիտանական ԶԼՄ-ների` անցած հինգշաբթի փոխնախարարը մասնակցել էր Մեծ Բրիտանիայի վարչապետի նստավայրում տեղի ունեցած ընդունելությանը: Հաջորդ օրը նրա վիճակը ու ինքնազգացողությունը վատթարացել էին:

Վերջին տվյալների համաձայն` Մեծ Բրիտանիայում կորոնավիրուսի արդեն 383 դեպք է հայտնաբերվել, մահացել է 6 մարդ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը