Կորոնավիրուսի պատճառով ամբողջ աշխարհում մոտ 400 կոմերցիոն ցուցահանդես է չեղարկվել

Կորոնավիրուսի տարածման շուրջ ստեղծված իրավիճակի պատճառով ամբողջ աշխարհում մոտ 400 կոմերցիոն ցուցահանդես է չեղարկվել, որոնցից 10-ին Ռուսաստանի Դաշնության ընկերությունների մասնակցությունը պետք է կազմակերպեր Ռուսաստանի արտահանման կենտրոնը (ՌԱԿ): Այս մասին «Իզվեստիա» թերթին տված հարցազրույցում հայտարարել է ՌԱԿ-ի գլխավոր տնօրեն Վերոնիկա Նիկիշինան:

«Չինաստանը մեր ոչ հումքային ոչ էներգետիկ արտադրանքի հիմնական սպառողն է: 2019-ին մատակարարումների ծավալը 14.5 միլիարդ դոլար էր կազմել, հետեւաբար, զարմանալի չէ, որ կորոնավիրուսի տարածումը դժվարությունների կհանգեցնի ռուսական մատակարարների համար: Համաճարակն արդեն բարդացրել է տեղափոխումը, ինչպես նաեւ` գործարքների կնքման գործընթացը, քանի որ մարդիկ սովոր են անձամբ բանակցել, իսկ այժմ ստիպված են նախապատվությունը տալ վիդեոկապին: Բացի այդ, անվտանգության նկատառումներից ելնելով, ամբողջ աշխարհում արդեն 400 կոմերցիոն ցուցահանդես է չեղարկվել, որոնցից տասին ռուսաստանցի արտահանողների մասնակցությունը պետք է ՌԱԿ-ը կազմակերպեր»,- ասել է Նիկիշինան:

Ըստ նրա` կենտրոնը կգնահատի կորոնավիրուսի ազդեցությունն արտահանման վրա` 2020 թվականի սկզբի առաջին տվյալները վերլուծելուց հետո: Նիկիշինան նշել է, որ ՌԱԿ-ը շեշտադրում է անում ոչ թե արտահանման պլանների ճշգրտման վրա, այլ` արդյունավետ աշխատանքի միջոցով արտահանման արդյունքներն առավելագույնի հասցնելու, եւ նաեւ հույս է հայտնել, որ կորոնավիրուսի պատճառով ստեղծված իրավիճակը թույլ կտա վերանայել գործող բիզնես պրակտիկաները:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը