Աշխարհում կորոնավիրուսի զոհերի քանակը հատել է 4000-ի շեմը

 Կորոնավիրուսի նոր տեսակի համաճարակի հետևանքով աշխարհում զոհերի թիվը հատել է 4000-ի շեմը, տեղեկացնում է theguardian.com-ը:

Թարմ տվյալները ներկայացրել է Ջոն Հոփքինսի անվան համալսարանը՝ մանրամասնելով, որ զոհերի հստակ թիվը 4012-ն է:

Հայտնի է, որ զոհերի ճնշող մեծամասնությունը գրանցվել է Չինաստանում:

Հիշեցնենք, որ Չինաստանի ղեկավար Սի Ծինփինը նոր տեսակի կորոնավիրուսի բռնկումից ի վեր առաջին անգամ այցելել է կորոնավիրուսի «օջախ» համարվող Ուհան քաղաք:

Վերլուծաբանների վստահմամբ՝ նրա այցն, ամենայն հավանականությամբ, վկայում է, որ երկիրը մեծամասամբ հաղթաhարել է խնդիրը և որ «վատ օրերն այլևս անցյալում են»: Չինաստանի կառավարությունը սկսել է քայլեր ձեռնարկել կաթվածահար եղած տնտեսությունը վերականգնելու ուղղությամբ:

«Այդ քայլով Ծինփինը հայտարարեց կորոնավիրուսի դեմ հաղթնակի մասին: Իր այցով նա Չինաստանի քաղաքացիներին փորձում էր վստահեցնել, որ նրանք արդեն ապահով են և կարող են վերադառնալ իրենց աշխատանքին»,- ասել է աղբյուրի զրուցակից վերլուծաբաններից մեկը:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում: Վերջին տվյալների համաձայն՝ Չինաստանում կորոնավիրուսի հետևանքով զոհերի թիվը հասել է 3136-ի:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը