Շվեյցարիայի իշխանությունները մասնակիորեն փակել են Իտալիայի հետ սահմանը կորոնավիրուսի պատճառով

Շվեյցարիայի իշխանությունները բաց են թողել միայն աշխատողների եւ ապրանքների համար Իտալիայի հյուսիսային շրջանների հետ սահմանը, որտեղ ավելի վաղ հայտարարվել էր կարանտին կորոնավիրուսի պատճառով, ասվում է Շվեյցարիայի կառավարության կայքում հրապարակված հայտարարության մեջ, հաղորդում է ՌԻԱ Նովոստի-ն:

Նշվում է, որ խոսքը վերաբերում է հարեւան իտալախոս շրջաններին: Շվեյցարիայի իշխանությունները որոշում են կայացրել, որ չեն խոչընդոտի իրենց տարածք Իտալիայի բնակիչների մուտքին, որոնք աշխատում են Կոնֆեդերացիայում: Ինչպես նաեւ չեն արգելի շվեյցարացիներին աշխատել Իտալիայի փակ շրջաններում: Սահմանը բաց կլինի նաեւ ապրանքների տեղափոխման համար:

Ընդ որում՝ սովորական շվեյցարացիների վրա տարածվում է պահանջը չմեկնել իտալական շրջաններ, որոնք փակ են կարանտինի համար: Սահմաններին կգործի վերահսկողություն եւ ստեղծված կլինեն անվտանգության հատուկ գոտիներ:

Կիրակի լույս գիշերը Իտալիայի վարչապետ Ջուզեպե Կոնտեն ստորագրել է որոշում, համաձայն որի՝ ներդնում է սահմանափակումներ Լոմբարդիայի եւ 14 ուրիշ շրջանների տարածք մուտքի եւ ելքի, ինչպես նաեւ ներքին տեղաշարժի շուրջ կորոնավիրուսի տարածման ֆոնին: Որոշումն անդրադառնում է գավառներին, որոնք գտնվում են Էմիլիա-Ռոմանյա, Մարկե, Պյեմոնտ, Վենետո (ներառյալ Վենետիկը) շրջաններում. երկրի հյուսիսում զգալի տարածքն ու մասամբ երկրի կենտրոնական հատվածը փակ են:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը