Դելիի իշխանությունները պահանջում են փակել տարրական դպրոցները կորոնավիրուսի պատճառով

Դելիի իշխանությունները կորոնավիրուսի հնարավոր տարածման պատճառով խորհուրդ են տվել փակել տարրական դպրոցները եւ անջատել կենսաչափական համակարգերը կազմակերպություններում, հայտնում է «ՌԻԱ Նովոստի»-ն` վկայակոչելով ANI պարբերականը:

«Որպես մեր երեխաների շրջանում COVID-19-ի տարածումը կանխելու նախազգուշական միջոց՝ Դելիի կառավարությունը կարգադրել է անհապաղ փակել բոլոր տարրական դպրոցները»,- նշվում է հաղորդագրության մեջ: Կառավարության գերատեսչությունների, կազմակերպությունների եւ քաղաքային ֆիրմաների ղեկավարներին խորհուրդ է տրվել դադարեցնել կենսաչափական համակարգերի օգտագործումը:

Ավելի վաղ` հինգշաբթի, Հնդկաստանի առողջապահության նախարարը հայտնել էր, որ երկրում կորոնավիրուսի 29 դեպք է գրանցվել, առողջացել է երեք մարդ:

Նոր կորոնավիրուսի բռնկումը սկսվել է 2019 թվականի դեկտեմբերի վերջին Կենտրոնական Չինաստանում՝ 12 մլն բնակչություն ունեցող Ուհան քաղաքում: ԱՀԿ-ն իրավիճակը միջազգային մասշտաբի արտակարգ դրություն է ճանաչել: Չինաստանի սահմաններից դուրս վիրուսը հայտնաբերվել է ավելի քան 52 երկրներում: Չինաստանի իշխանությունները գրանցել են երկրում 2788 մահվան ելքով դեպքեր, ապաքինվել է 36,1 հազար մարդ, վարակվածների թիվը գերազանցում է 78,8 հազարը:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը