Չինաստանը հայտնում է կորոնավիրուսի նոր հաստատված դեպքերի աճի մասին

Չինաստանը երեք օր անընդմեջ անկումից հետո հայտնում է կորոնավիրուսի նոր հաստատված դեպքերի թվի աճի մասին` բռնկման էպիկենտրոն Ուհանում հիվանդների թվի ավելացման պատճառով, փոխանցում է Reuters-ը:

Չորեքշաբթի Չինաստանում վարակի 139 նոր հաստատված դեպք էր գրանցվել, հայտնել է Առողջապահության ազգային հանձնաժողովը, ինչի հետեւանքով դեպքերի ընդհանուր թիվը հասել է 80.409-ի: Նախօրեին իշխանությունները հայտնել են վարակման 119 նոր դեպքի մասին: Աճը պայմանավորված էր Հուբեյ նահանգի մայրաքաղաք Ուհան քաղաքում վարակների թվի աճով:

Ուհանում վարակման նոր դեպքերի թիվը հասել է 131-ի, նախորդ օրվա այդ թիվը 114 էր կազմել:

Չորեքշաբթի օրվա դրությամբ Չինաստանում համաճարակից զոհերի թիվը հասել է 3.012-ի, ինչը 31-ով ավել է, քան նախորդ օրը: Հուբեյում մահվան ելքով նոր դեպքեր են գրանցվել: Ուհանում զոհվել է 23 մարդ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը