Թրամփը դեղագործական ընկերություններից պահանջել է մի քանի ամսում կորոնավիրուսի դեմ պատվաստանյութ ստեղծել

ԱՄՆ նախագահ Դոնալդ Թրամփը դեղագործական ընկերությունների ղեկավարներից պահանջել է մի քանի ամսվա ընթացքում կորոնավիրուսի դեմ պատվաստանյութ պատրաստել, հայտնում է Daily Mail պարբերականը:

Սակայն ավագ փարձագետ Թոնի Ֆաոսին զգուշացրել է նախագահին, որ դրա պատրաստման և փորձարկումների բոլոր փուլերի համար ամենաքիչը մեկ տարի է անհրաժեշտ:

«Մենք ջանք չենք խնայում պատվաստանյութ ստեղծելու ընթացքն արագացնելու համար, նաև առավելագույնն ենք անում վարակվածների համար թերապիա ստեղծելու և հիվանդության բուժումն արագացնելու և հեշտացնելու ուղությամբ»,- նշել է նախագահը 10 դեղագործական և կենսատեխնիկական ընկերությունների ղեկավարների հետ մոտ մեկ ժամ տևած հանդիպման ժամանակ:

Նշվում է, որ ԱՄՆ-ում նոր կորոնավիրուսից մահացածների թիվը հասել է 6-ի:

Չինաստանի իշխանություններն անհայտ տեսակի վարակի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում: Չինաստանում նոր տեսակի կորոնավիրուսի հետևանքով զոհերի թիվը հասել է 2943-ի, բուժվել են 47 000-ը, ընդհանուր առմամբ գրանցվել վարակման 80 151 դեպք: Ըստ Առողջապահության համաշխարհային կազմակերպության տվյալների՝ ամբողջ աշխարհում զոհերի թիվը հասել է 3100-ի, իսկ ախտահարվածներինը՝ ավելի քան 90 000-ի:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը