Չինաստանում հիվանդանոցի աշխատակիցներն իրենց հերթափոխի վերջում լիցքաթափվել են վալս պարելով (լուսանկարներ, տեսանյութ)

Չինաստանում տեսախցիկները ֆիքսել են, թե ինչպես են նոր տեսակի կորոնավիրուսով վարակվածների հիվանդանոցում աշխատող բուժքույրը և ոստիկանության աշխատակիցն իրենց հերթափոխի վերջում լիցքաթափվում վալս պարելով, գրում է Daily Mail-ը:

Տեսանյութն առցանց հարթակում մեծ դիտումներ է ունեցել: Հազարավոր օգտատերեր իրենց հիացմունքն են արտահայտել տեսանյութի վերաբերյալ:

«Ինչ հմայիչ մարդիկ են: Նրանք պետք է անպայման սկսեն հանդիպել»,- գրել է օգտատերերից մեկը:

Օրերս համացանցում ևս մի տեսանյութ էր տարածվել, որում երկու չինացի բժիշկ, տոնելով իրենց կորոնավիրուսով հիվանդների ապաքինումը, պարում են Չայկովսկու «Կարապի լիճը» բալետից հայտնի պարը:

Վերջին տվյալների համաձայն՝ Չինաստանում կորոնավիրուսով վարակման հաստատված դեպքերի թիվը գերազանցել է 79 251-ը, որոնցից 2 835-ը՝ մահվան ելքով:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:

Վերջին օրերին ամբողջ աշխարհում մարդիկ խուճապի են մատնվել սրընթաց տարածվող մահացու կորոնավիրուսի պատճառով: Հիվանդների ու զոհերի թիվն օրեցօր ավելանում է, իսկ վարակման դեպքեր են արձանագրվել նաև Չինաստանից դուրս մի շարք երկրներում, ինչը հանգեցրել է համաշխարհային խուճապի:

Այս թեմայով Կորոնավիրուսի դեմ պատվաստանյութը կներարկեն չինացի զինվորականներին Կորոնավիրուսի դեմ պատվաստանյութը դրական արդյունք է տվել․ bioRxiv Չինաստանում iPhone հավաքող գործարանի աշխատակիցները վերադարձել են աշխատանքի Համաճարակը հաղթահարած չինացի բժիշկները ամիսների բաժանումից հետո վերամիավորվել են ընտանիքների հետ (տեսանյութեր) ՆԱՍԱ-ն ցույց է տվել՝ ինչպես է Չինաստանում կորոնավիրուսը օդը «մաքրել» վնասակար նյութերից (լուսանկար)