Ռոհանին հանձնարարել է ստեղծել Կորոնավիրուսի դեմ պայքարի ազգային հանձնաժողով

Իրանի նախագահ Հասան Ռոհանին հանձնարարել է առողջապահության եւ բժշկական կրթության նախարարությանը ստեղծել Կորոնավիրուսի դեմ պայքարի ազգային հանձնաժողով, հաղորդում է ԻՌՆԱ-ն:

Ռոհանին կոչ է արել Իրանի առողջապահության եւ բժշկական կրթության նախարարությանը մոբիլիզացնել բոլոր ուժերը հիվանդության տարածումը կանխելու եւ այն ոչնչացնելու ուղղությամբ:

Նոր կորոնավիրուսի (2019-nCoV) բռնկումը գրանցվել է 2019 թվականի դեկտեմբերի վերջում Կենտրոնական Չինաստանի ամենախիտ բնակեցված քաղաքում՝ 12-միլիոնանոց Ուհանում: Առողջապահության համաշխարհային կազմակերպությունը ճանաչել է դա որպես միջազգային մասշտաբի արտակարգ դրություն, որը բնութագրվում է որպես բազմաթիվ օջախներով համաճարակ: Չինաստանի սահմաններից դուրս վարակվածներ են գրանցվել 27 երկրներում՝ ներառյալ Իրանը:

Նոր տիպի կորոնավիրուսի հետեւանքով զոհերի թիվն ամբողջ աշխարհում հասել է 2463-ի, իսկ վարակվածների թիվը՝ 78 000-ի:

Իրանում կորոնավիրուսից մահացել է 8 մարդ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը