Չինաստանում հայտնել են կորոնավիրուսի հաղթահարման ժամկետները

 Չինաստանի իշխանությունները մտադիր են մինչև փետրվարի վերջ ամբողջ երկրում, բացառությամբ Հուբեյ նահանգի, հաղթահարել կորոնավիրուսը: Այս մասին հայտարարել է Ռուսաստանում Չինաստանի դեսպան Չժան Հանհուեյը՝ Ռուսաստանի Դաշնության Պետդումայի առաջին փոխխոսնակ Իվան Մելնիկովի հետ հանդիպմանը, հայտնում է «Ինտերֆաքս» գործակալությունը:

«Մենք մյուս շրջաններում, բացառությամբ Հուբեյի, կկարողանանք վարակի նկատմամբ հաղթանակ տանել այս ամսվա ընթացքում, իսկ համաճարակի կենտրոնում` հաջորդ ամսվա ընթացքում»,- նշել է դեսպանը:

Հանհուեյը նշել է նաև, որ հիվանդության տարածման կենտրոն հանդիսացող նահանգում կորոնավիրուսից մահացությունը կազմում է 2%, իսկ ամբողջ երկրում՝ 0,55%:

Մինչդեռ չինական «Սինհուա» լրատվական գործակալությունը հայտնում է, որ չինացի գիտնականները մշակել են կորոնավիրուսի հայտնաբերման նոր էքսպրես-թեստ, որի աշխատանքը հիմնված է հակամարմինների հայտնաբերման վրա:

Արագ ախտորոշման թեստի աշխատանքի սկզբունքը հիմնված է IgM և IgG հակամարմինների հայտնաբերման վրա: Թեստը թույլ է տալիս 15 րոպեի ընթացքում մարդկանց մոտ հայտնաբերել կորոնավիրուսը:

Ցզյանսու նահանգի որոշ հիվանդանոցներ և բժշկական կենտրոններ արդեն իսկ սկսել են թեստային ռեժիմով օգտագործել այս թեստը:

Հիշեցնենք, որ վերջին տվյալների համաձայն` Չինաստանում կորոնավիրուսից զոհերի թիվը գերազանցել է 2200-ը:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը