20 000 քմ մակերես. իտալացի ֆերմերը դաշտում տրակտորի օգնությամբ «վերարտադրել» է կորոնավիրուսի պատկերը

Իր դաշտային պատկերների շնորհիվ մեծ ճանաչում ձեռք բերած իտալացի ֆերմեր Դարիո Գամբարինն անդրադարձել է նոր 2019-nCoV կորոնավիրուսի համաճարակին, որի պատճառով հարյուրավոր զոհեր են գրանցվել, իսկ Առողջապահության համաշխարհային կազմակերպությունն էլ ստիպված է եղել տագնապ հայտարարել:

Ինչպես նշում է ansa.it կայքը, Վերոնայի դաշտերից մեկում Գամբարինը ստեղծել է կորոնավիրուսի պատկերը: Ֆերմերը գրել է չինական հիերոգլիֆներ, ինչպես նաև վարակի անվանումը: Նրա աշխատանքն ունի 20.000 քմ մակերես:

Իտալացու խոսքով՝ այսպիսով ինքը ցանկացել է միջազգային հանրության ուշադրությունը ևս մեկ անգամ գրավել համաճարակի վրա:

Չինաստանում նոր կորոնավիրուսով վարակվածների թիվը հասել է 20 438-ի, 425 մարդ մահացել է:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:

Վերջին օրերին ամբողջ աշխարհում մարդիկ խուճապի են մատնվել սրընթաց տարածվող մահացու կորոնավիրուսի պատճառով: Հիվանդների ու զոհերի թիվն օրեցօր ավելանում է, իսկ վարակման դեպքեր են արձանագրվել նաև Չինաստանից դուրս մի շարք երկրներում, ինչը հանգեցրել է համաշխարհային խուճապի:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը