Սննդի կամ ծանրոցների առաքման միջոցով նոր կորոնավիրուսով վարակման վախն արդարացված չէ

Սննդի կամ ծանրոցների առաքման միջոցով նոր կորոնավիրուսով վարակման վախն արդարացված չէ, քանի որ օդակաթիլային ճանապարհն է համարվում այս վիրուսի փոխանցման հիմնական եղանակը, իսկ վարակման կանխարգելման համար առաջին հերթին անհրաժեշտ է հիգիենայի կանոններին հետևել, հայտնում է «ՌԻԱ Նովոստի» գործակալությունը` հղում տալով Չինաստանի հիվանդությունների վերահսկման և կանխարգելման կենտրոնի փորձագետ Չժան Լյուբոյի հայտարարությանը:

«Նախևառաջ, վիրուսը հիմնականում փոխանցվում է օդակաթիլային ճանապարհով, իսկ սննդի միջոցով վիրուսի ուղղակի փոխանցման ռիսկը փոքր է, դեռևս չկան հստակ ապացույցներ, որ վիրուսը կարող է առաքման միջոցով (պատրաստի սննդի, մթերքի կամ ծանրոցների-խմբ.) փոխանցվել մարդկանց»,- նշում է փորձագետը:

Փորձագետի խոսքով` «առաքումը ստանալուց հետո անհրաժեշտ է հետևել ձեռքերի հիգիենային, իսկ արտաքին փաթեթավորումը` դեն նետել»:

Միևնույն ժամանակ պատրաստի կերակրի տարաներն անհրաժեշտ է ախտահանել և մաքրել անձեռոցիկներով կամ թղթե սրբիչով:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:

Վերջին օրերին ամբողջ աշխարհում մարդիկ խուճապի են մատնվել սրընթաց տարածվող մահացու կորոնավիրուսի պատճառով: Հիվանդների ու զոհերի թիվն օրեցօր ավելանում է, իսկ վարակման դեպքեր են արձանագրվել նաև Չինաստանից դուրս մի շարք երկրներում, ինչը հանգեցրել է համաշխարհային խուճապի:

Վերջին տեղեկությունների համաձայն` կորոնավիրուսի հետևանքով զոհերի թիվը հասել է 259-ի, վարակվածների թիվը մոտ 11 100 է:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը