Որոնք են աշխարհի ամենաբարձր 10 շենքերը

Ներկայացնում ենք այս պահի դրությամբ աշխարհի ամենաբարձր շենքերը.

10. «Empire State Building», Նյու Յորք, ԱՄՆ

Շենքը կառուցվել է 1931թ.: Ճարտարապետներն են Շրիվը, Լեմբը եւ հերմոնը: Բարձրությունն առանց կայմի 381 մետր է: Այն ունի 102 հարկ եւ 6 հազար 500 պատուհան:

9. «Shun Hing Square», Շենչժեն, Չինաստան

Կառուցվել է 1993-1996 թվականների ընթացքում: Ունի ընդամենը 69 հարկ: Շենքի բարձրությունը 384 մետր է: 

8. «CITIC Plaza» Գուանչժոու, Չինաստան

Ութսունհարկանի շենքն ունի 391 մետր բարձրություն: Այն կառուցվել է 1997թ.: 

7. «International Finance Centre Tower 2», Հոնկոնգ, Չինաստան

Չինաստանի համաշխարհային ֆինանսական կենտրոնի շենքը կառուցվել է 2003թ., ունի 88 հարկ, իսկ բարձրությունն է 415 մետր:

6. «Jin Mao Tower», Շանհայ, Չինաստան

421 մետրոնոց այս շենքն ունի 93 հարկ: 55-88-րդ հարկում գտնվում է Hyat հյուրանոցը:

5. «Sears Tower», Չիկագո, ԱՄՆ

ԱՄՆ-ի ամենաբարձր շենքն ունի 443.2 մետր բարձրություն: Շենքի ճարտարապետն է Բրյուս Գրեմը: Շինարարությունը սկսվել է 1970թ. եւ ավարտվել 1973թ. մայիսի 4-ին: Այս հսկան ունի 110 հարկ: Մինչ 1994թ.աշխարհի ամենաբարձր շենքն էր:

4. «PETRONAS Twins Towers», Կուալա Լումպուր, Մալայզիա 

XX դարի վերջին կառուցվեց աշխարհի ամենաբարձր օդային կամուրջը: 170 մետր բարձրության վրա կառուցվեց երկու շենքերն իրար կապող կամուրջը: Իսկ շենքերի բարձրությունը 452 մետր է եւ յուրաքանչյուրն ունի 88 հարկ: Շենքն էլ կառուցվեց 1998թ. եւ դարձավ աշխարհի ամենաբարձր կառույցը:

3. «Shanghai World Financial Center», Շանհայ, Չինաստան 

Շանհայի համաշխարհային ֆինանսական կենտրոնը կառուցվել է 2008-ին: Չինաստանի ամենաբարձր շենքն ունի 494 մետր բարձրություն:

2. «Taipei 101» Թայբեյ, Թայվան

1.7 միլիարդանոց շենքը շահագործման հանձնվեց 2003թ. դեկտեմբերի 31-ին: Բարձրությունը 571 մետր է: Շենքի վերելակները շարժվում են 63 կմ/ժ արագությամբ: Շենքն ունի 106 հարկ:

1. «Burj Dubai»  կամ Բուրջ Խալիֆա, Դուբայ, ԱՄԷ

Բուրջ Խալիֆա (արաբերեն՝ برج خليفة - «Խալիֆայի աշտարակ»), մինչև հունվարի 4, 2010՝ «Բուրջ Դուբայ», երկնաքեր Դուբայում, իր տեսքով նմանվում է պտկաքարի։ Պաշտոնապես բացվել է 2010 թ. հունվարի 4-ին, և վերանվանվել է «Բուրջ Խալիֆա»՝ հարևան Աբու Դաբիի էմիրության շեյխ և Միացյալ Արաբական Էմիրությունների նախագահ Խալիֆա իբն Զաիդ Ալ-Նախայանի պատվին։

Նախապես բացումը պլանավորված էր կատարել 2009-ի սեպտեմբերի 9-ին՝ Դուբայի մետրոյի բացման հետ միաժամանակ, բայց բացումը տեղափոխվեց մինչև 2010 թ. հունվարը՝ կառուցողների ֆինանսական խնդիրների պատճառով։ 2007 թվականի հուլիսից՝ աշխարհի ամենաբարձր շենքն է (բարձրությունն է 828 մետր և ավելի քան 163 հարկ)։

Top-News.am