Հրապարակվել է ԻՊ-ի պարագլուխ ալ-Բաղդադիի ուղղությամբ հասցված ամերիկյան հարվածի տեսանյութը

Սիրիացի ակտիվիստները տեսանյութ են հրապարակել համացանցում, որում երևում է, թե ինչպես է Միացյալ Նահանգների զինուժը հարվածներ հասցնում «Իսլամական պետություն» ահաբեկչական խմբավորման դիրքերի ուղղությամբ երկրի հյուսիսարևմտյան շրջանում, որի ժամանակ, ըստ որոշ աղբյուրների, սպանվել է ԻՊ-ի պարագլուխ Աբու Բաքր ալ-Բաղդադին:

Հրապարակված կադրերը ներկայացնում է CNN-ը՝ նշելով, որ տեսագրության մեջ ինքնաթիռի և պայթյունի ձայներ են լսվում: Գիշերային երկնքում վառ առկայծում է երևում, որը, ինչպես ենթադրվում է, ամերիկյան ուժերի հասցրած հարվածն է եղել:

Աղբյուրը նշում է, որ չի կարող հաստատել տեսանյութի հավաստիությունը:

Հիշեցնենք, որ ավելի վաղ հաղորդվել է ԱՄՆ-ի՝ Սիրիայում շաբաթ իրականացրած հատուկ գործողությունների մասին՝ ուղղված «Իսլամական պետություն» ահաբեկչական կազմակերպության առաջնորդ Աբու Բաքր ալ Բաղդադիի դեմ, որն, ըստ ոչ պաշտոնական տվյալների, մահացել է:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը