Փոխարտգործնախարարն՝ Ադրբեջանում գտնվող Արայիկ Ղազարյանի վերադարձի բանակցությունների մասին

Հայաստանի Հանրապետությունը շարունակում է ամենօրյա աշխատանքներ իրականացնել Ադրբեջանում գտնվող ՀՀ քաղաքացի, զինծառայող Արայիկ Ղազարյանի վերադարձի հետ կապված:

Այս մասին ՀՀ Ազգային ժողովում հայտնեց Արտաքին գործերի նախարարի տեղակալ Արտակ Ապիտոնյանը:

«Մեր զինվորի վերադարձի հետ կապված բանակցություններն ընթանում են և՛ համանախագահության շրջանակում, և՛ նաև անմիջականորեն Կարմիր խաչի գրասենյակների միջոցով, որոնք տեղակայված են Երևանում և Բաքվում: Աշխատանքները գտնվում են մեր ամենօրյա ուշադրության կենտրոնում, ամեն ինչ արվում է, որպեսզի ապահովենք շուտափույթ վերադարձի հնարավորությունը»,- ասաց Ապիտոնյանը:

Օգոստոսի 12-ին՝ ժամը 12:00-ի սահմաններում, ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքներում, մարտական դիրքը լքել է զինծառայող, 2000 թ. ծնված Արայիկ Հայկի Ղազարյանը: Ավելի վաղ ՀՀ պաշտպանության նախարարի մամուլի խոսնակ Արծրուն Հովհաննիսյանը հաստատել էր, որ Ադրբեջանում այս պահին կա հայ քաղաքացի։ «Հաստատում եմ, որ Ադրբեջանում այս պահին կա հայ քաղաքացի, սակայն հանգամանքները, նրա ով լինելը և այլ մանրամասներ կհայտնեն համապատասխան մարմինները»,- գրել էր նա «Ֆեյսբուքի» իր էջում:

Այս թեմայով ԿԽՄԿ Բաքվի գրասենյակի ներկայացուցիչներն այցելել են Ադրբեջանում գերեվարված Կարեն Ղազարյանին և Արա Ղազարյանին Ադրբեջանում հայտնված զինծառայողի հարցով Պաշտպանը խոսել է Կարմիր խաչի միջազգային կոմիտեի հայաստանյան պատվիրակության ղեկավարի հետ