Քեմբրիջի դքսուհու էլեգանտ տեսքը՝ թագուհու կազմակերպած հավաքույթին (լուսանկարներ)

Մեծ Բրիտանիայի թագավորական ընտանիքի ամենասիրված անդամներից մեկը՝ Քեմբրիջի դքսուհի Քեյթ Միդլթոնը, մասնակցել է թագուհի Էլիզաբեթ 2-րդի՝ Բուկինգհեմյան պալատի այգում կազմակերպած հավաքույթին:

Ինչպես նշում է Daily Mail-ը, 37-ամյա դքսուհին այս կապակցությամբ կրել է Alexander McQueen բրենդի նուրբ վարդագույն էլեգանտ զգեստ ու այն համադրել համահունչ գլխարկով:

Երեք երեխաների մորն ուղեկցել է ամուսինը՝ արքայազն Ուիլյամը:

Մինչդեռ 93-ամյա թագուհին շատ թարմ տեսք է ունեցել նուրբ երկնագույն Stuart Parvin վերարկուով և ծաղկազարդ գլխարկով: Տարեց միապետը, որը կառավարման տևողությամբ համաշխարհային ռեկորդ է սահմանել, աշխույժ զրուցել և ծիծաղել է հյուրերից շատերի հետ:

Պարբերականը մանրամասնում է, որ Բուկինգհեմյան պալատի այգում բացօթյա հավաքույթներ անցկացնելու ավանդույթը ձևավորվել է դեռևս 1860-ական թվականներին՝ թագուհի Վիկտորիայի օրոք: