«Թուրքիան ցանկացած պահի պատրաստ է ընդունել ռուսական C-400 համակարգերը». Չավուշօղլու

Թուրքիայի արտգործնախարար Մևլյութ Չավուշօղլուն հայտարարել է, որ Անկարան պատրաստ է ցանկացած պահի ընդունել ռուսական արտադրության C-400 զենիթահրթիռային համակարգերը:

«Հենց որ Ռուսաստանը պատրաստ լինի մատակարարել դրանք, մենք կընդունենք ցանկացած պահի»,-պաշտոնյայի խոսքը մեջբերում է Russia Today-ը:

Ավելի վաղ Չավուշօղլուն հայտարարել էր, որ Անկարան չի պատրաստվում ռուսական արտադրության զենքը ինտեգրել ՆԱՏՕ-ի համակարգերում:

Հայտնի է, որ C-400-ների գնումը Թուրքիային արժեցել է 2 մլրդ դոլար և զգալի լարվածություն է առաջացրել Միացյալ Նահանգների հետ հարաբերություններում: Երկրի նախագահ Ռեջեփ Թայիփ Էրդողանն ասել է, որ Թուրքիան ոչ մի դեպքում զիջումների չի գնա և ձեռք կբերի այդ համակարգերը:

Այս թեմայով Էրդողանը վստահեցրել է` Թուրքիան կիրագործի С-400 համակարգերի գնման համաձայնագիրը. Վալենտինա Մատվիենկո ԱՄՆ-ում չեն բացառում, որ Թուրքիան, հնարավոր է, Ս-400-ից հրաժարվի