Դատարանն Ասանժին 50 շաբաթով ազատազրկելու որոշում է կայացրել

Լոնդոնի դատարանն WikiLeaks-ի հիմնադիր Ջուլիան Ասանժին 50 շաբաթվա ազատազրկման է դատապարտել: BBC-ն հայտնում է, որ նման որոշում է կայացվել այն պատճառով, որ Ասանժը խախտել է գրավով ազատ արձակման պայմանը: Հաղորդվում է, որ ձերբակալության ժամկետը հետագայում կարող է կրկնակի կրճատվել:

Հիշեցնենք, որ WikiLeaks-ի հիմնադիր Ջուլիան Ասանժին ձերբակալել են Լոնդոնում գտնվող Էկվադորի դեսպանատանը, որտեղ նա ապաստանել էր վերջին 7 տարիներին: Էկվադորի իշխանությունները հետ էին կանչել Ասանժին ապաստան տալու որոշումը:

Վաշինգտոնն անում է ամեն բան Ասանժին ԱՄՆ արտահանձնելու համար: Այնտեղ նրան խիստ պատիժ է սպառնում Պետդեպարտամենտի գաղտնի տվյալների հրապարակման համար:

Այս թեմայով Լոնդոնյան դատարանը հրաժարվել է Ասանժին ազատ արձակել գրավի դիմաց Ասանժի հայրը վախենում է, որ իր որդին կարող է մահանալ բանտում Ասանժի հայրը կտտանքների մասին է ահազանգում ԱՄՆ-ն Ասանժին արտահանձնելու պաշտոնական հարցում է ուղարկել Կադրեր են հրապարակվել բրիտանական «Բելմարշ» բանտից, որտեղ պահվում է Ջուլիան Ասանժը