Իվանկա Թրամփի ոճային կերպարները՝ աֆրիկյան շրջագայության ժամանակ (լուսանկարներ)

Միացյալ Նահանգների նախագահ Դոնալդ Թրամփի ավագ դուստրը՝ Իվանկա Թրամփը, որը Սպիտակ տանը նրա խորհրդականն է, իր առաջին պաշտոնական այցով գտնվում է Աֆրիկայում:

Հայտնի է, որ 38-ամյա Թրամփը մասնակցում է Կանանց համաշխարհային զարգացման և բարգավաճման ծրագրին, որի նպատակն է զարգացող պետություններում կանանց աջակցելը:

Ինչպես նշում է Daily Mail-ը, բազմազավակ մայրն արդեն եղել է Փղոսկրյա ափում, Եթովպիայում, որտեղ մասնակցել է մեկ տասնյակից ավելի հանդիպումների ու միջոցառումների:

Նախագահի դուստրը հանդիպումներից ամեն մեկին ներկայացել է տարբեր հագուստով ու կոշիկներով, սակայն, ի տարբերություն ԱՄՆ առաջին տիկին Մելանյա Թրամփի, լյուքս դասի թանկարժեք նորաձևության տների փոխարեն նախապատվությունը տվել է ավելի մատչելի բրենդներին:

Ստորև առաջարկում ենք ուշագրավ ֆոտոշարքով գնահատել Իվանկա Թրամփի աֆրիկյան ուղևորության կերպարները.