Աբխազիայում սահմանվել է մահապատիժ թմրանյութեր տարածելու համար
Աբխազիայի խորհրդարանի պատգամավորներն ընդունել են Երկրի Քրեական օրենսգրքում փոփոխություններ անելու մասին օրինագիծը, որը թմրանյութեր տարածելու համար նախատեսում է ցմահ ազատազրկում կամ մահապատիժ գույքի առգրավմամբ, հաղորդում է ՏԱՍՍ-ը՝ հղում կատարելով Ազգային ժողովի մամուլի ծառայությանը:
«Ապրիլի 4-ին՝ խորհրդարանի հերթական նիստի ժամանակ, պատգամավորները վերջին ընթերցմամբ միաձայն ընդունել են օրինագիծը, որը խստացնում է առանձնակի խոշոր չափերով թմրանյութերի անօրինական շրջանառության համար պատիժը: Բացի տուգանքների զգալի աճի, օրինագիծը նախատեսում է ցմահ ազատազրկում կամ մահապատիժ գույքի առգրավմամբ: Թմրանյութերը տարածելու համար դատապարտվածները համաներման իրավունք չունեն»,-նշվում է հաղորդագրության մեջ:
Այդ օրինագիծը նախաձեռնող պատգամավոր Դմիտրի Դբարայի խոսքերով՝«օրենքն ուժի մեջ կմտնի 2020 թվականի հունվարի 1-ից»…
Հանրապետության գլխավոր դատախազությունում ՏԱՍՍ-ին պարզաբանել են, որ Աբխազիայում մահապատիժը դադարեցվել էր 1993 թվականից: Բացի այդ, «ազատազրկումից միայն 25 տարի անց մահապատժի դատապարտված անձը իրավունք ունի պատժամիջոցը փոխելու»: Ըստ դատախազության տվյալների՝ ներկայումս Աբխազիայի ՆԳՆ-ի քննչական կոմիտեում կան երեք ցմահ ազատազրկված դատապարտյալներ, իսկ մահապատժի դատապարտվածներ չկան:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Մելանշոնը հավանական առաջատար թեկնածուներից մեկն է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Ամերիկան պատմության մեջ հսկայական քայլ հետ կատարեց