Համաշխարհային բանկը գլխավորել է Թրամփի թեկնածուն
ԱՄՆ-ի ֆինանսների նախարարի՝ միջազգային հարցերով տեղակալ Դեւիդ Մալփասն ընտրվել է Համաշխարհային բանկի նախագահի պաշտոնում, հաղորդում է ՌԻԱ Նովոստի-ն՝ հղում կատարելով բանկի հաղորդագրությանը:
«Համաշխարհային բանկի գործադիր տնօրեններն այսօր միաձայն ընտրել են Դեւիդ Մալփասին Համաշխարհային բանկի Խմբի նախագահի պաշտոնում հինգ տարի ժամեկտով՝ սկսած 2019 թվականի ապրիլի 9-ից»,-ասվում է հաղորդագրության մեջ:
Ավելի վաղ Մալփասի թեկնածությունն առաջարկել էր ԱՄՆ-ի նախագահ Դոնալդ Թրամփը:
Համաշխարհային բանկի խմբի նախագահ Ջիմ Յոն Կիմը հրաժարական էր տվել փետրվարի 1-ին. բանկի ղեկավարի ժամանակավոր պաշտոնակատարը գործադիր տնօրեն Քրիստալինա Գեորգիեւան է: Ջիմ Յոն Կիմը թողել էր պաշտոնը մինչ իր լիազորությունների ժամկետի ավարտը 2022 թվականին: Նա գլխավորում էր բանկը ավելի քան վեց տարի: Հրաժարականի պաշտոնական պատճառը բանկիրի ցանկությունն էր վերադառնալ աշխատելու տնտեսության մասնավոր սեկտորում:
Կազմակերպության նախագահը գլխավորում է տնօրենների խորհրդի նիստերը եւ պատասխանատու է բանկի գործունեությունն ընդհանուր առմամբ ղեկավարելու համար: Ըստ ավանդույթի՝ Համաշխարհային բանկի նախագահն ԱՄՆ-ի քաղաքացի է, որը բանկի խոշոր բաժնետերերից մեկն է: Նախագահն ընտրվում է կառավարիչների խորհրդի միջոցով հինգ տարի ժամկետով եւ վերընտրվելու իրավունքով:
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Տավուշում ոչ մի գազատար չի կառուցվել, նման գործընթաց չկա. մարզպետ
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Հայ-վրացական գազատարը Հայաստանի խնդրանքով կտեղափոխվի
Իրանում պատերազմը Հնդկաստանին կանգնեցրել է գազային ճգնաժամի առաջ
Երևանը միանում է «Երկրի ժամ» համաշխարհային բնապահպանական նախաձեռնությանը
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...