ԵՄ-ում վստահ չեն, որ Զելենսկին եվրոպամետ քաղաքականություն կվարի

Եվրամիության երկրների պաշտոնատար անձինք անհանգստացած են այն բանից, որ Ուկրաինայում նախագահական մրցավազքի առաջատար Վլադիմիր Զելենսկին առայժմ բավականաչափ պարզորոշ չի դրսեւորել եվրաինտեգրացման իր ձգտումը: Այդ մասին, ինչպես տեղեկացնում Է «Արմենպրես»-ը, ասված Է այն հոդվածում, որն ապրիլի 3-ին հրապարակվել Է The Wall Street Journal թերթի կայքում:

«Եվրոպայի պաշտոնատարներն ասում են, որ մտահոգություն ունեն այն բանի առնչությամբ, թե Զելենսկին կկարողանա արդյոք դիմակայել Մոսկվային եւ պահպանել Ուկրաինայի եվրոպամետ կուրսը: Նա երբեք պետական պաշտոններ չի զբաղեցրել եւ քիչ մանրամասներ Է բացահայտել կաբինետի ձեւավորման ու երկրի կառավարման իր պլանների վերաբերյալ»,- ասված Է նյութում:

Հրապարակման մեջ բերված Է ԵՄ-ի երկրներից մեկի պաշտոնատարների թվից հրատարակության աղբյուրի խոսքը: Նրա կարծիքով Ուկրաինայի նախագահի պաշտոնում Պյուտր Պորոշենկոյի հետագա գտնվելը, «հնարավոր Է՝ պակաս վատ տարբերակ կլիներ»: Այդ աղբյուրը, խոսելով Զելենսկու մասին, նշել Է, որ «ոչ ոք չգիտի՝ որն Է նրա ծրագիրը, ովքեր են իրականում կանգնած նրա հետեւում»:

Հրատարակությունը նաեւ մեջբերում Է արել մի դիվանագետի խոսքից, որի անունն ու պաշտոնը չեն ճշտվում: Ինչպես նշել Է նա. «ոչ ոք չգիտի՝ ինչ տեղի կունենա», եթե Ուկրաինայի նախագահի ընտրություններում հաղթանակ տանի Զելենսկին:

«Մենք կարող ենք միայն ենթադրություններ անել»,- արձանագրել Է դիվանագետը, հաղորդել Է ՏԱՍՍ-ը:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)