Զելենսկիի շտաբը պահանջներ է ներկայացրել Պորոշենկոյին

Ուկրաինայի նախագահական ընտրությունների երկրորդ փուլ անցած Վլադիմիր Զելենսկիի նախընտրական շտաբը մի շարք պահանջներ է ներկայացրել երկրի գործող նախագահ Պյոտր Պորոշենկոյին, որը ևս մասնակցելու է ապրիլի 21-ին կայանալիք ընտրությունների 2-րդ փուլին:

Ինչպես նշում է gazeta.ru-ն, Զելենսկիի թիմի հիմնական պահանջներից մեկն այն է, որ ընդունվի հանրային ակտվիստների եկամուտների և ծախսերի հրապարակումն արգելող օրենք: Բացի այդ, նրանք պահանջել են ընդունել խորհրդարանական ընտրություններում բաց ցուցակների ներդրում ենթադրող օրենք:

Զելենսկիի թիմը նաև գործող նախագահից պահանջել է չեղարկել ապօրինի հարստացման համար քրեական պատասխանատվության մասին օրինագիծն ու այն փոխարինել միջազգային փորձագետների օգնությամբ կազմված համարժեք փաստաթղթով:

Թեկնածուի շտաբը նաև պնդում է, որ Պորոշենկոն փոխի Կոռուպցիայի կանխարգելման ազգային գործակալության կազմն ու աշխատանքից հեռացնի Ուկրաինայի արտաքին հետախուզական ծառայության ղեկավարի տեղակալ Սերգեյ Սեմոչկոյին:

Աղբյուրը հիշեցնում է, որ Պորոշենկոն ավելի վաղ երիտասարդ ուկրաինացիներին կոչ էր արել բոյկոտել Զելենսկիին ու քվեարկել իր օգտին:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)