5,5 մետր երկարությամբ վարսեր ունեցող չինացին պնդում է, որ 54 տարի չի կտրել դրանք

Չինական սոցցանցի օգտատերերը, տեսնելով 77-ամյա տղամարդու լուսանկարները, սկսել են խրախուսել նրան դիմել Գինեսի ռեկորդների գրքին:

Ինչպես հայտնում է Oddity Central-ը, լուսանկարները պատկերում են չինացու 5,5 մետր երկարությամբ վարսերը, որոնք, ինչպես ինքն է պնդում, չի կտրել 54 տարի շարունակ և սովորություն է ունեցել գլխին փաթաթել որպես չալմա (Tert.am-մուսուլման տղամարդկանց համար նախատեսված գլխաշոր):

Տղամարդուն լուսանկարել է նրա հարսը, որը գեղեցկության սրահ կատարած հերթական այցի ժամանակ ուղեկցել է վերջինիս: Գեղեցկության սրահում սովորաբար լվանում են չինացու վարսերը, որը բավականին երկարատև գործընթաց է:

Հարսը նաև տեսագրել էր, թե ինչպես են վարսահարդարները քանդում նրա գլխի «փաթաթանը»: Տեսանյութը շատ արագ տարածվել է և մի քանի օրում 1,5 դիտում ունեցել: